Serol Serol yn cyhoeddi cân a fideo newydd

Diweddarwyd am  
Serol Serol

Fe fydd Serol Serol yn chwarae’r Penwythnos Mwyaf

Llun I Ka Ching

Mae’r band ‘space pop’  o Lanrwst, Serol Serol, wedi cyhoeffi y byddan nhw’n rhyddhauil eu halbwm cyntaf bythefnos i heddiw (Mawrth 23).

Serol Serol fydd enw’r albwm ac i nodi’r cyhoeddiad, mae’r grŵp yn cyhoeddi sengl newydd o’r enw ‘Arwres’ – ynghyd â fideo – heddiw.

Dwy gyfnither yw Serol Serol, sef Mali Siôn a Leusa Rhys, sydd yn cydweithio’n agos a’n perfformio’n fyw gyda George Amor a Llŷr Pari, o’r band Omaloma.

Er bod y grŵp yn gymharol newydd, maen nhw eisoes wedi llwyddo i gyhoeddi tri sengl  ‘Cadwyni’, ‘Aelwyd’, ‘K-TA’ – tair cân fydd yn ymddangos ar yr albwm.

Darnau’n “disgyn i’w lle”

“Ryden ni’n eithaf newydd i’r sin ac ond wedi chware llond llaw o gigs, ond mae’r senglau wedi rhoi blas go dda i bawb o’r albwm,” meddai Mali Siôn a Leusa Rhys mewn datganiad ar y cyd.

“Ryden ni wedi bod yn recordio’r albwm yn Stiwdio Glan Llyn, ac mae hi wedi bod yn broses rhyfedd, gan fod pawb ar wahân. Ond rhywsut, mae’r darnau wedi disgyn i’w lle.”

Bydd yr albwm yn cael ei gyhoeddi trwy label Recordiau I KA CHING.

Dyma’r fideo ar gyfer ‘Arwres’:

 

Roc a Phop

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd