Mae’r canwr-cyfansoddwr Ed Sheeran, oedd wedi cydweithio ag Amy Wadge ar y gân Thinking Out Loud, yn y ras i fod ar frig siart y senglau ar gyfer y Nadolig.
Fe fydd ei gân newydd Perfect, sy’n ddeuawd gyda Beyoncé, yn cystadlu â River gan Eminem a chlasur Wham!, Last Christmas, sydd wedi cael ei chyhoeddi o’r newydd yn dilyn marwolaeth George Michael Ddydd Nadolig y llynedd.
Perfformiodd Ed Sheeran y gân ar ei ben ei hun yn ystod ffeinal Strictly Come Dancing y BBC neithiwr.
Ac mae’r albwm ./. sy’n cynnwys Thinking Out Loud yn y ras i gyrraedd rhif un yr albymau Nadoligaidd hefyd.
Bydd y sengl Nadoligaidd fuddugol yn cael ei chyhoeddi ddydd Gwener.
Y Nadolig diwethaf, daeth Rockabye gan Clean Bandit (a Sean Paul ac Anne Marie) i’r brig.
Fe fydd lawrlwythiadau tan Ragfyr 21 yn cyfrif tuag at y siart Nadoligaidd.
