David Cassidy wedi marw’n 67 oed

 
David Cassidy

David Cassidy

Llun: Flickr Heinrich Klaffs trwy Gomin Wicimedia

Mae’r canwr a’r actor David Cassidy wedi marw’n 67 oed.

Roedd e wedi bod yn dioddef o ddementia a diffyg ar ei organau, ac fe fu farw yn yr ysbyty.

Dywedodd llefarydd ei fod e wedi marw “gyda llawenydd yn ei galon ac yn rhydd o’r boen oedd wedi gafael ynddo ers cyhyd”.

Fe fydd yn cael ei gofio am ei ran yn y gyfres deledu The Partridge Family, a chaneuon fel How Can I Be Sure.

Gyrfa

Roedd y gyfres deledu’n cyd-daro ag un o’i ganeuon mawr cyntaf, I Think I Love You ac erbyn diwedd 1970, roedd e eisoes wedi ennill Sengl y Flwyddyn ac wedi cael sawl enwebiad Grammy.

Ar ei anterth, roedd ganddo fe fwy o aelodau yn ei glwb cefnogwyr nag Elvis Presley a’r Beatles, ac mae ei ganeuon wedi gwerthu mwy na 30 miliwn o weithiau.

Fe gydiodd alcoholiaeth ynddo ar ôl i’w yrfa deledu ddod i ben ond fe geisiodd ailafael yn ei yrfa yn yr 1980au, gan gyhoeddi’r albwm Romance a chael cynnig rhan mewn nifer o sioeau ar lwyfannau Broadway a’r West End.

Yn 2015, fe ddaeth cadarnhad ei fod yn fethdal.

Roedd e wedi priodi tair gwaith, ac roedd ganddo fe fab a merch.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd