Huw Stephens
Mae llu o weithgareddau a digwyddiadau wedi eu trefnu ar gyfer dathlu Dydd Miwsig Cymru eleni.
Dan arweiniad y cyflwynydd radio Huw Stephens, bydd Chwefror 10 yn ddiwrnod llawn gigs, perfformiadau, gosodiadau celf a chystadlaethau yn cael eu cynnal ar hyd a lled y wlad.
Bydd gig am ddim yn cael ei chynnal yn Emporiwm y Castell lle fydd The Gentle Good, Adwaith, Roughion, ARGRPH, Chroma, a Mellt yn chwarae o 2yp ymlaen.
Hefyd bydd perfformiadau gan Steve Eaves a Chris Jones yn Nhafarn y Fic yn Llithfaen, Atsain yn yn La Mancha yng Nghastell-nedd ac Eden yng Nghlwb Ifor Bach.
Ar 12 Chwefror bydd “ref i’r plantos” gyda Bunff o’r Super Furry Animals yn DJio yn Tramshed.
“Haeddu cael ei ddathlu”
“Mae cerddoriaeth Gymraeg yn haeddu cael ei ddathlu, ac mae hon yn ffordd wych o wneud hynny, gan sicrhau bod y wlad gyfan a dilynwyr cerddoriaeth ym mhedwar ban byd yn ymwybodol o’r doniau aruthrol sydd gennym ni yma yng Nghymru,” meddai Huw Stephens.
“Rwy’n hyderus y bydd y diwrnod yn cyflwyno llawer o bobl i gerddoriaeth na fyddent wedi’i chlywed fel arall. Dwi’n edrych ymlaen yn fawr at ddathlu’r diwrnod ac yn annog pawb i gymryd rhan ar-lein drwy ddefnyddio #DyddMiwsigCymru.”
Rhestr artistiaid Cymraeg mwyaf cŵl Huw Stephens
Ysgol Sul
Band pop indi breuddwydiol a hyfryd o hamddenol o Landeilo, gwych ar lwyfan gyda agwedd slacyr arbennig o gyffrous.
Tebyg i – Slowdive
Trac – Aberystwyth yn y Glaw
https://soundcloud.com/ysgol-sul/aberystwyth-yn-y-glaw-demo-ysgol-sul
Chroma
Triawd roc amgen o’r Rhondda, ennillywrd Brwydr y Bandiau llynedd a band gyda digon i ddweud am y byd.
Tebyg i – Biffy Clyro
Trac – Claddu 2016
https://www.youtube.com/watch?v=WI-CFEsFipk&vl=en-GB
Brand Pres Llareggub
Band pres llawn agwedd o’r Gogledd gyda dylanwadau hip hop. Parti bob tro ma rhein mlaen.
Tebyg i – Clean Bandit
Trac – Gweld y Byd Mewn Lliw
https://soundcloud.com/llareggub-brass-band/gweld-y-byd-mewn-lliw-gydafeat-alys-williams-mr-phormula
Delyth McLean
Cantores a chyfansoddwraig werin ddawnus o Ferthyr Tudful
Trbyg i – Laura Marling
Trac – Tad a Mab
https://soundcloud.com/delyth-mclean/tad-a-mab
Sŵnami
Band pop indi poblogaidd gyda llwyth o diwns cofiadwy. Mae eu albym cyntaf yn ffefryn mawr.
Tebyg i – Two Door Cinema Club
Trac – Trwmgwsg
https://www.youtube.com/watch?v=7OtoYKflIfA
Cpt Smith
Band pync amgen o Sir Gâr, gyda syniadau a caneuon diddorol.
Tebyg i – Arctic Monkeys
Trac – Llenyddiaeth
https://soundcloud.com/ptmith/llenyddiaeth
Ani Glass
Pop synth ffresh gan yr artist unigol o Gaerdydd, Ani Saunders
Tebyg i – Grimes
Trac – Ffôl
https://soundcloud.com/aniglass/ffol
Candelas
Rocyrs indi swnllyd gyda blas y blws, o Lanuwchllyn a un o ffefrynnau Cymru.
Tebyg i – Last Shadow Puppets
Trac – Anifail
https://www.youtube.com/watch?v=622sJJ8yFMg
Fleur de Lys
Band gitâr roc indi ifanc a ffresh sy di chwarae’n fyw dipyn.
Tebyg i – Catfish and the Bottlemen
Trac – Cofia Anghofia
