Aberystwyth – y lleoliad “perffaith” ar gyfer nofelau ditectif, yn ôl mab o’r dref

Diweddarwyd  

Mae awdur a gafodd ei eni a’i fagu yn Aberystwyth yn dweud bod y dref a’r ardal gyfagos yn “berffaith” ar gyfer y math o nofelau sy’n cael eu galw’n ‘Scandi Noir’.

Ar Drywydd Llofrudd yw nofel gyntaf yr ymgynghorydd technoleg, Alun Davies, ac ymhen blynyddoedd mae’r awdur yn gobeithio y byddai yn rhan o drioleg.

Mae’r nofel “gyfoes a thywyll” yn dilyn hynt dau dditectif, Taliesin ac MJ, sydd ar drywydd llofrudd sy’n targedu merched yng Ngheredigion.

Yn ôl Alun Davies, bu’n fwriad ganddo o’r cychwyn i wneud Aberystwyth yn ganolbwynt i’r stori, gan fod yna awyrgylch “eithaf tywyll” i dirwedd yr ardal o amgylch y dref glan môr.

“Dw i wedi treulio amser yn Aberystwyth, Llundain a Chaerdydd, ac o’r tair yna, fe fydden i’n sicr yn dweud mai Aberystwyth sy’n siwtio’r math yma o lyfr,” meddai wrth golwg360.

Wrth sgrifennu’r nofel wedyn, dywed iddo geisio gwyrdroi’r darlun traddodiadol o’r dref fel lle “cysurus a diniwed”, a bod rhoi gwedd “mwy sinistr” iddi fel gweld “digrifwr yn chwarae llofrudd peryglus”.

“Mae’n ychwanegu rhywbeth i’r rhan achos dydych chi ddim wedi arfer eu gweld nhw yn y golau yna,” ychwanega.

Dyma glip o Alun Davies yn darllen darn o’i nofel…

Clonc360

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018