Beirniadaeth yn gadael ei hôl ar iaith lafar Meic Povey

Diweddarwyd am  

Alun Ffred Jones

Llun: golwg360 / Karen Owen

Er na fu’r dramodydd Meic Povey erioed ar gyfyl Prifysgol Bangor, fe allai fod mai beirniadaeth eisteddfodol gan John Gwilym Jones oedd un o’r pethau a’i gwnaeth yn awdur deialog mor dda, ym marn Alun Ffred Jones.

Fel un sy’n cael ei gofio am ei allu i greu cymeriadau sy’n siarad yn drawiadol o naturiol, roedd Meic Povey wedi cystadlu ar gystadleuaeth y Ddrama Hir yn Eisteddfod Genedlaethol Bro Dwyfor (Cricieth) yn 1975. Y beirniad oedd John Gwilym Jones.

Yn y feirniadaeth, meddai Alun Ffred Jones, mae’r darlithydd yn bwrw iddi i bwyso a mesur “y boen o fethu penderfynu” rhwng Arawn (William R Lewis, Llangefni) a Dafydd (Michael Povey, Garndolbenmaen) mae mater yr iaith lafar yn dod iddi.

“Er cydnabod bod yn rhaid wrth y dafodiaith sathredig a’r geiriau aflednais, mae’n rhaid hefyd wrth rywbeth sy’n rhoi pleser llenyddol,” meddai John Gwilym Jones yn ei feirniadaeth. “I mi, nid yw’r tlysni yma.”

Ond, flynyddoedd yn ddiweddarach, pan oedd Meic Povey yn awdur y ddrama deledu Deryn, ac Alun Ffred Jones yn sylwi ar ba mor naturiol goeth oedd deialog y cymeriadau – fel ag yr oedd ymsonau myfyrgar y cymeriad ‘Meic Parry’ yn y gyfres Talcen Caled gan yr un awdur – roedd o’n gweld dylanwad John Gwil.

“Mae pawb yn meddwl bod sgwennu iaith lafar yn hawdd,” meddai Alun Ffred Jones. “Ond os fasa hi, mi fasa pawb yn sgriptiwr ac yn awdur ac yn gwneud hynny. Mae sgwennu iaith lafar sy’n codi oddi ar y papur, yn grefft.

“Ac er na fuodd Meic Povey ar gyfyl yr un coleg na phrifysgol erioed, mae o’n rhan o waddol John Gwil. Mi gymrodd o sylw o’r feirniadaeth honno yn 1975, ac mi ddaeth yn well sgwennwr o’r herwydd.”

Iaith

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018