“Frank Olding yn ail am y Goron” – meddai Dafydd Islwyn

Diweddarwyd am  

Coron yr Eisteddfod Genedlaethol 2018 o waith Laura Thomas

Llun: Eisteddfod Genedlaethol Cymru

Dafydd Islwyn oedd yn gyfrifol am gyhoeddi i’r byd mai Frank Olding, cyn-Gadeirydd Pwyllgor Gwaith prifwyl Y Fenni, oedd un o’r beirdd oedd yn deilwng o Goron yr Eisteddfod Genedlaethol eleni.

Yn ystod un o sesiynau Ymryson Barddas yn y Babell Lên yng Nganolfan y Mileniwm yr wythnos ddiwethaf, fe gyhoeddodd y sgoriwr wrth y Meuryn, Tudur Dylan Jones, mai’r bardd o hen sir Gwent oedd ‘Enlli’ yn y gystadleuaeth i feirdd rhydd.

Roedd 42 wedi anfon eu gwaith i’r gystadleuaeth, a’r beirniaid, Christine James, Damien Walford Davies ac Ifor ap Glyn, wedi gosod pump yn y dosbarth cyntaf.

“Frank Olding oedd yn ail am y Goron,” meddai Dafydd Islwyn wrth y Meuryn, o flaen y timau oedd yn ymryson ac o flaen y famerâu.

“Ydach chi’n siwr?” holodd Tudur Dylan Jones, cyn holi os oedd Frank Olding yn gwybod ei fod am rannu’r wybodaeth gyda’r genedl. Mae Frank Olding wedi dod yn agos at gipio’r Goron genedlaethol cyn hyn.

Yn y feirniadaeth o’r llwyfan ddydd Llun diwethaf, roedd Christine James wedi cyfeirio at ‘Enlli’ fel “bardd cynnil… a chyfeiriadaeth ei gerddi’n eang-gyfoethog”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018