Dychwelyd i Gaerdydd a wnaeth un o enillwyr y cystadlaethau llên, dod i’r Bae am y tro cynta’ erioed a wnaeth un arall.
Fe lwyddodd R John Roberts, Caernarfon, i ennill cystadleuaeth yr englyn union ddeugain mlynedd ar ôl ennill y delyneg yn Eisteddfod Genedlaethol Caerdydd yn 1978.
Ond i enillydd y villanelle, Huw Evans o Gwrtnewydd, dyma oedd ei ymweliad cynta’ â Bae Caerdydd, gan ychwanegu nad oedd yn gweld unrhyw reswm tros ddod yn ôl yno chwaith, gan fod popeth yr oedd ei angen yn ei ardal.
Dychwelyd a wnaeth Dai Rees Davies, Rhydlewis, hefyd gan ennill gwobr yr englyn ysgafn am y pumed tro.
Enillwyr eraill
Ymhlith yr enillwyr eraill, roedd:
Cywydd – Dafydd Job, Bangor.
Soned – Elin Meek, Abertawe
Pump triban – Rhiain Bebb, Machynlleth
Chwe limrig – Idris Reynolds, Brynhoffnant
Telyneg – Atal y wobr
