Cadair prifwyl y brifddinas yn cynnwys hanes Sain Ffagan

Diweddarwyd am  

Cadair Prifwyl 2018

Llun: Eisteddfod Genedlaethol Cymru

Gan mai Amgueddfa Cymru Sain Ffagan sy’n noddi’r Gadair yn Eisteddfod Genedlaethol Caerdydd eleni – i ddathlu pen-blwydd y sefydliad yn 70 oed – roed y cerflunydd, Chris Williams yn awyddus i gynnwys hynny yn y gwaith.

“Mae wedi’i hysbrydoli gan nifer o wahanol gadeiriau y bûm yn ymchwilio iddynt yng nghasgliad Sain Ffagan,” meddai’r saer sy’n dod o Pentre yn y Rhondda ac â’i weithdy yn Ynyshir.

“Mae’r dyluniad yn fodern gyda chyffyrddiadau traddodiadol, ond eto mae iddi bresenoldeb cadair seremonïol, diolch i elfennau fel y sedd lydan a throm, y breichiau agored a’r cefn uchel.”

Dewisodd greu cadair â sedd a chefn o bren llwyfen gyda choesau a breichiau o bren onnen. Mae’r sedd a’r cefn wedi’u hengrafu yn ysgafn â phatrwm gwlân traddodiadol sy’n seiliedig ar garthen yng nghasgliad Sain Ffagan, ac a wehyddwyd ym Melin Wlân Esgair Moel, un o’r adeiladau cyntaf i gael ei ail-godi yn yr Amgueddfa Werin ym 1952.

Eleni, cynigir y gadair am awdl ar fwy nag un o’r mesurau traddodiadol, heb fod yn hirach na 250 o linellau ar y testun ‘Porth’. Y beirniaid yw Ceri Wyn Jones, Emyr Davies a Rhys Iorwerth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd