Y GELLI: Gormod o lenorion “tebyg i’w gilydd” yn cyhoeddi llyfrau

Diweddarwyd am  

Anthony Anaxagorou

Llun oddi ar ei gyfrif Twitter

Mae yna ormod o bobol o’r un cefndir a’r un dosbarth yn cyhoeddi llyfrau yng ngwledydd Prydain, meddai bardd sydd â’i deulu’n hanu o Gyprus ond a gafodd ei fagu yng nghyffiniau Llundain.

‘Heterogeneous’ oedd teitl cyflwyniad Anthony Anazagorou ar un o lwyfannau Gwyl y Gelli dros y Sul – y bardd cyntaf i ennill Slam Farddoniaeth Maer Llundain yn 2002 sydd wedi dod yn berfformiwr rheolaidd ar orsafoedd radio yn Lloegr.

Wrth ddarllen cerddi newydd, mae’n ceisio dangos pa mor amrywiol a diddorol ydi’r byd, yn arbennig o safbwynt pobol ifanc. Ond, y duedd trwy’r amser ydi rhoi pobol a phethau mewn bocsys.

Dyna, mae’n awgrymu, sydd wrth wraidd hiliaeth, rhyfeloedd crefyddol, dibyniaeth a chamdriniaeth.

“Fe allwch chi ddysgu rhywbeth mewn llyfr, fe all sgwrs eich sadio chi, fe all cerdd eich denu chi i’w charu hi, fe all athrylith eich ysbrydoli chi, ond dim ond chi fedr arbed eich hunan,” meddai.

A dyna pam y mae’n credu bod angen i fwy o amrywiaeth o bobol fod yn cyhoeddi eu gwaith a’u syniadau, er mwyn adlewyrchu’r amrywiaeth anferth o bobol yn y byd – o ran hunaniaeth, hil, hanes a rhyw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018