Cyhoeddi rhestr fer Gwobrau Tir na N-Og 2018

Diweddarwyd  
Adeilad y Cyngor

Pencadlys Cyngor Llyfrau Cymru yn Avberystwyth

Llun: Ian Capper (CCA 2.0)

Mae Cyngor Llyfrau Cymru wedi cyhoeddi’r teitlau sydd ar restr fer Gwobrau Tir na n-Og am eleni.

Ers eu sefydlu yn 1976, mae’r gwobrau’n cael eu rhoi yn flynyddol gan y Cyngor Llyfrau i anrhydeddu gwaith gwreiddiol gan awduron ac arlunwyr llyfrau plant yn y Gymraeg a’r Saesneg.

Maen nhw’n cael eu noddi gan y Cyngor Llyfrau ei hun a CILIP Cymru, sef Sefydliad Siartredig Llyfrgellwyr a Gweithwyr Gwybodaeth Cymru.

Ac yn ôl Prif Weithredwr y Cyngor Llyfrau, mae’r llyfrau sy’n ymddangos ar y rhestr fer yn y ddwy iaith yn arwydd o “safon arbennig” llyfrau plant a phobol ifanc yn Nghymru.

“Y mae’r llyfrau sydd wedi cyrraedd y rhestr fer eleni yn arwydd o safon arbennig llyfrau plant a phobol ifanc yng Nghymru, a thestun balchder mawr yw gweld trawstoriad o themâu amrywiol yn dod i’r amlwg,” meddai.

Mae gwobrau ar gyfer tri chategori, sef categori cynradd Cymraeg, categori uwchradd Cymraeg a chategori’r llyfr Saesneg gorau sydd â chefndir Cymreig dilys.

Bydd y ddwy wobr Cymraeg yn cael eu cyflwyno ar lwyfan Eisteddfod yr Urdd yn Llanelwedd ar Fai 31, tra bydd y wobr Saesneg yn cael ei rhoi yng nghynhadledd CILIP Cymru yn Aberystwyth ar Fai 9.

Y Rhestr Fer Gymraeg

  • Yma: Yr Ynys gan Lleucu Roberts;
  • Merch y Mêl gan Caryl Lewis;
  • Gethin Nyth Brân gan Gareth Evans;
  • Mae’r Lleuad yn Goch gan Myrddin ap Dafydd;
  • Y Melanai: Efa gan Bethan Gwanas;
  • Dosbarth Miss Prydderch a’r Carped Hud gan Mererid Hopwood.

Y Rhestr Fer Saesneg

  • Santa’s Greatest Gift gan Tudur Dylan Jones;
  • King of the Sky gan Nicola Davies;
  • St David’s Day is Cancelled! Gan Wendy White;
  • Gaslight gan Eloise Williams
  • The Jewelled Jaguar gan Sharon Tregenza;
  • The Nearest Faraway Place gan Hayley Long.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018