Penodi golygydd newydd ar lyfrau Cyhoeddiadau Barddas

Diweddarwyd am  

Rhai o gyfrolau Cyhoeddiadau Barddas

Alaw Mai Edwards sydd wedi’i phenodi’n Olygydd Creadigol Cyhoeddiadau Barddas.

Mae hynny’n golygu mai hi fydd yn gyfrifol am gyhoeddi llyfrau newydd o dan enw Barddas, tra bo Twm Morys yn parhau’n olygydd ar y cylchgrawn chwarterol o’r un enw.

Daw Alaw Mai Edwards o Faerdy ger Corwen, ac fe fydd yn ymuno â Barddas ar ôl bod yn gweithio yng Nghanolfan Uwchefrydiau Cymreig a Cheltaidd Prifysgol Cymru yn Aberystwyth.

Yno, fe fu’n rhan o brosiectau ymchwil Barddoniaeth Guto’r Glyn a Chwlt y Seintiau yng Nghymru.

“Ehangu cynulleidfaoedd”

Yn ôl Alaw Mai Edwards, mae’n gyfnod “eithaf cyffrous” i farddoniaeth Gymraeg, gyda beirdd fel Llion Jones, Eurig Salisbury ac Aneirin Karadog eisoes yn cy

flwyno’r cyfrwng i gynulleidfaoedd gwahanol.

“Mae’r sylfeini cadarn wedi’u gosod yn barod, mewn gwirionedd,” meddai wrth golwg360.

“Dw i am barhau i wneud y gwaith mawr sydd wedi’i wneud eisoes, a chyhoeddi cyfrolau eang eu hapêl, a gobeithio denu cynulleidfa newydd at farddoniaeth Gymraeg.

Fe fydd yn dechrau yn y swydd wythnos i ddydd Lun, Chwefror 26.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018