Marw’r Athro Bobi Jones yn 88 oed

Diweddarwyd am  

Athro R M Jones (Bobi Jones)

Llun: Cymdeithas y Dysgwyr (CYD)

Bu farw’r bardd a’r academydd, Robert Maynard Jones (Bobi Jones), yn 88 oed.

Fe fu’n ddarlithydd ym Mhrifysgol Aberystwyth, yn feirniad llenyddol, ac yn arch dynnwr blew o drwyn y sefyliad llenyddol Cymraeg, a hynny gyda hiwmor tawel. Roedd yn Gristion o argyhoeddiad.

Mae ei gerdd, Hunllef Arthur, a gyhoeddwyd gan Gyhoeddiadau Barddas yn 1986, yn cael ei hystyried y gerdd hiraf yn yr iaith Gymraeg. Mae’n ymestyn tros 21,000 o linellau a 24 o ganiadau.

Ond, fel un a gafodd ei eni a’i fagu yng Nghaerdydd yn y 1930au, mynd ati i ddysgu’r Gymraeg pan yn ddyn ifanc a wnaeth Bobi Jones – a dyna un o’r rhesymau pam iddo fod yn un o gyd-sylfaenwyr CYD (Cymdeithas y Dysgwyr).

Roedd yn Llywydd Anrhydeddus y gymdeithas tan y diwedd.

Athrylith’

“Mae’n rhaid dweud mi oedd Bobi Jones yn athrylith, does dim dwywaith am hynny,” meddai’r Prifardd Alan Llwyd a fu’n cyhoeddi nifer o’i gyfrolau yn ystod ei gyfnod yn olygydd Cyhoeddiadau Barddas.

“Roedd Bobi’n credu mewn cynhyrchu, ac roedd o wrthi bob munud o bob dydd, dyna oedd ei fywyd,” meddai gan ddweud y byddai’n gweithio ar ddarnau llenyddol hyd at y diwedd.

“Mae ganddo ei wefan ei hun, ac mae yna ddeunydd yno nad sydd wedi’u cyhoeddi ar ffurf llyfr,” meddai gan ychwanegu fod tipyn o’i waith heb weld golau dydd eto.

Mae’n dweud ei fod yn credu mewn gweithiau “mawr a meddylgar”.

“Y bwgan mawr i Bobi oedd y busnes gorboblgrwydd,” meddai Alan Llwyd. “Roedd o’n credu mai’r gweithiau mawr, meddylgar sy’n aros, a dyna oedd o’n ei weithredu ei hun.”

Mae’n ei ddisgrifio hefyd yn feirniad llenyddol, Cristion a gŵr a wnaeth gymaint dros y Gymraeg.

“Mae ei hunangofiant o O’r Bedd i’r Crud yn dweud y cyfan wrth iddo ddisgrifio’r Gymraeg fel rhyw fath o ddadeni iddo wrth iddo ddarganfod profiad mor aruthrol gyda’r iaith.”

 

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd