Benjamin Zephaniah yn galw ar i bobol groenddu ddysgu Cymraeg

Diweddarwyd  
Y bardd yn cael ei urddo â gradd anrhydedd ac yn gwenu'n llydan

Benjamin Zephaniah

Llun: David Morris CC 2.0 trwy Commons Wikipedia

Mae cerdd gan Benjamin Zephaniah yn galw ar bobol groenddu i ddysgu’r Gymraeg yn ymddangos mewn blodeugerdd newydd am Martin Luther King.

Cafodd ‘I Have a Scheme’ ei chyhoeddi gyntaf yn y gyfrol Proper Propaganda yn 1996, ac mae wedi’i hailgyhoeddi hanner can mlynedd ar ôl ei ymweliad hanesyddol Martin Luther King â Phrifysgol Newcastle.

Mae’n darogan sut olwg fydd ar y byd yn y dyfodol, ac mae’n cynnwys y llinell: “And all black people will speak Welsh”.

Yn 2015, galwodd y bardd am ddysgu Cymraeg a Chernyweg i holl blant gwledydd Prydain er mwyn iddyn nhw gael dysgu am ieithoedd a diwylliannau’r holl wledydd.

Mae’r gerdd yn ymddangos ochr yn ochr â gweithiau amlyca’r Unol Daleithiau, ac enillwyr Gwobr Pulitzer.

Y gyfrol

Mae’r gyfrol yn gasgliad o gerddi gan feirdd newydd a phrofiadol sy’n trafod hiliaeth, tlodi a rhyfel – themâu amlwg yn araith enwog Martin Luther King.

Cafodd y gyfrol ei chyhoeddi gan Brifysgol Newcastle mewn cydweithrediad â Bloodaxe Books, a’i golygu gan yr Athro Jackie Kay a Carolyn Forché o Brifysgol Georgetown yn Washington.

Mae’n coffáu ei ymweliad â’r brifysgol yn 1967, lle traddododd ei araith gyhoeddus olaf cyn cael ei ladd chwe mis yn ddiweddarach.

Mae’r gweithiau newydd sy’n ymddangos yn y gyfrol yn trafod Brexit ac Arlywydd yr Unol Daleithiau, Donald Trump.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd