Cerddor o Sir Benfro i arwain yr opera

Diweddarwyd am  
Robin Lyn yn gwisgo siol am ei ysgwyddau, a Sion Goronwy'n canu yn ei glust

Sion Goronwy a Robin Lyn mewn golygfa o’r opera

Llun: Opra Cymru

Cerddor o bentref Llandudoch ger Aberteifi sydd wedi cael y gwaith o arwain yr opera newydd, Wythnos yng Nghymru Fydd.

Mae Iwan Teifion Davies yn aelod o Dŷ Opera Salzburg yn Awstria ac wedi hyfforddi i fod yn répétiteur yn y Guildhall yn Llundain.

Dros yr wythnosau diwethaf mae wedi bod yn gyfrifol am arwain cantorion a cherddorfa’r opera newydd.

“I arwain opera mae angen cydlynu’r cyfan rhwng y gerddorfa a’r cantorion. Mae angen ymdeimlad am theatr a gwneud penderfyniadau theatrig,” meddai wrth golwg360.

Hen Wraig y Bala

Esbonia Iwan Teifion Davies fod ganddo gopi o nofel Islwyn Ffowc Elis ers ei ddyddiau yn Ysgol Uwchradd y Preseli a’i fod wedi’i hailddarllen wrth baratoi at yr opera newydd.

“Dw i’n cofio’n arbennig yr olygfa am Hen Wraig y Bala,” meddai gan esbonio y bydd y gynulleidfa’n dyst i farwolaeth yr iaith drwy’r hen wraig hon, sef siaradwraig ola’r Gymraeg.

“Dw i’n meddwl fod beth mae Gareth a Mererid [Gareth Glyn a Mererid Hopwood] wedi’i wneud efo’r olygfa yna’n arbennig,” meddai. “Maen nhw wedi llwyddo i grisialu plot y nofel i fewn i rywbeth sy’n dipyn yn fwy cryno.”

Ac mae’r cerddor yn falch o’r cyfle i weithio yn y Gymraeg am fod y “cysylltiad gyda’r geiriau yn ddyfnach”.

Opera newydd

Mae’r opera wedi’i chyfansoddi gan Gareth Glyn gyda’r libretto gan Mererid Hopwood gyda’r prif gantorion yn cynnwys Robyn Lyn, Gwawr Edwards, Siân Meinir, Euros Campbell, Siôn Goronwy, Gethin Lewis, Eleri Gwilym, Ilar Rees Davies a Seimon Menai.

Mae’r noson agoriadol yn cael ei chynnal yng nghanolfan Pontio, Bangor heno (Tachwedd 10) cyn parhau ar daith drwy Gymru.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd