RSS

Golwg360

MwyCau 

Beirniadu llyfr digrif am hanes Hedd Wyn

Ebrill 11, 2011 13:49 Diweddarwyd am 17:06


Clawr Y Ddau Ryfel Byd Enbyd
Mae arbenigwr ar Hedd Wyn wedi beirniadu llyfr hanes i blant sy’n cyflwyno hanes y bardd enwog o Drawsfynydd mewn modd digrif.

Mae’r llyfr Y Ddau Ryfel Byd Enbyd, sy’n rhan o gyfres Hanes Atgas, yn cynnwys pennod am fywyd a marwolaeth Hedd Wyn.

Ond dywedodd Alan Llwyd, sydd wedi ysgrifennu llyfr ar Hedd Wyn yn ogystal â sgriptio ffilm am ei fywyd a enwebwyd am Oscar, nad oedd yn credu mai drwy ddweud jôcs oedd cyflwyno hanes y bardd i blant.

Mae’r llyfr gan Catrin Stevens yn cyflwyno “darlun erchyll o ffeithiau am gyfraniad Cymru i’r ddau ryfel byd”.

Yn ôl y llyfr mae athrawon yn hoffi “stwffio’r stori sentimental [Hedd Wyn] i lawr eich corn gwddf bob cyfle gân’ nhw”.

Mae yna hefyd sylw am farwolaeth y bardd ar faes y gad – “Dim ond am ddwy awr y bu Hedd Wyn ar faes y gad o gwbl! ‘Na bechod!”

Mae’r llyfr hefyd yn adrodd hanes Hedd Wyn yn ennill cadair Eisteddfod Genedlaethol Penbedw ar ôl marw ym mrwydr Passchendaele, gan ddweud na “fyddai ganddo fe ddim llawer o ddefnydd iddi nawr, wrth gwrs”.

Mae clawr y llyfr yn cynnwys sgerbwd Hedd Wyn yn sefyll o flaen cadair yr eisteddfod, â’r Archdderwydd yn dal dryll i fyny yn lle’r cleddyf traddodiadol.

“Mae’r llyfr yn ceisio tynnu coes ar rywbeth sy’n drasig ac mae hynny’n bechod,” meddai Alan Llwyd.

“Mae Hedd Wyn yn cael ei gofio am fod yn fachgen cyffredin oedd wedi cyflawni camp fawr.

“Mae’n cynrychioli cenhedlaeth lle’r oedd miloedd wedi colli eu bywydau.

“Nid yw’r llyfr yma’n cyfleu trasiedi’r genhedlaeth yma ac nid yw’n fodd addas o gyflwyno hanes y bardd.

“Pam na fyddai’r llyfr yn bychanu’r gwleidyddion a phenaethiaid y fyddin adeg y rhyfel yn hytrach na’r milwr cyffredin?”

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y ddolen ’Nodi camddefnydd’ sy’n ymddangos wrth ymyl pob sylwad. Os bydd dau berson yn anhapus, bydd y neges yn dod yn ôl at Golwg360 i’w ddilysu.


Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.