RSS

Golwg360

MwyCau 

CLIP SAIN: “Pan aeth Mam, fe aeth fy adra i”

Hydref 4, 2017 13:05 Diweddarwyd Hydref 5, 2017 07:47


Nid ar chwarae bach yr aeth actores Amdani! a Macbeth a Byw Celwydd ati i gostrelu rhai o brofiadau gorau a thywyllaf ei bywyd mewn cyfrol o ysgrifau.

A hithau’n adnabyddus ar lwyfan ac ar y sgrifn fach, mae Ffion Dafis wedi “ysgrifennu’n ysbeidiol” ar hyd ei hoes, meddai, â’r diddordeb wedi’i danio ar ei chwrs Cymraeg ym Mhrifysgol Bangor yn y 1990au.

Mi gafodd gynnig gan wasg Y Lolfa i ysgrifennu cyfrol o ysgrifau ac “unwaith y cychwynnais i, doeddwn i methu stopio, ac mi wnes i sylwi fod yna sgwenwr oedd eisiau dod allan”.

“Mae cansar yn fasdad”

Mae ei chyfrol, Syllu ar Walia’, yn trafod ei chariad at deulu a ffrindiau, perthynas ag alcohol a’i hanturiaethau yn teithio’r byd.

Mae’n agor ei chalon hefyd am y boen o golli ei mam i ganser pan oedd yn 26 oed ac yn darllen o’r bennod honno yma …

“Dydw i ddim wedi bod yn hapus ers y diwrnod y collais i Mam,” meddai. “Ddim yn wirioneddol hapus.

“Doeddwn i ddim yn medru dweud y geiriau ‘Mae Mam wedi marw’ am tua blwyddyn ar ôl ei marwolaeth.

“Mae cansar yn fasdad, ac mae’r ffordd mae’n dinistrio bod dynol, yn cicio’r meddwl o’r corff, yn eich gadael yn fud.”

I ferched, am ferched

Wrth ysgrifennu am ei mam, dywedodd nad oedd yn ymwybodol am y gyfrol arall, Galar a fi, sydd newydd ei chyhoeddi’n trafod yr un pwnc.

“Dw i’n gobeithio y bydd pobol yn gallu uniaethu efo rhannau ohono,” meddai am y gyfrol. “Dw i wedi ysgrifennu i ferched, am ferched.”

Mi fydd yn lansio’r gyfrol yn Gwin Dylanwad, Dolgellau nos Iau (Hydref 5); ac yna yn Y Felinheli (Tachwedd 3) ac yng Nghaerdydd (Tachwedd 10).

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.