RSS

Golwg360

MwyCau 

30 o gyhoeddiadau wedi ymuno â grŵp ‘hyperlleol’

Medi 7, 2017 14:16 Diweddarwyd am 14:17


Mae 30 o gyhoeddiadau newyddion lleol iawn [neu hyperlleol] wedi ymuno â phrosiect i greu mwy o newyddiadurwyr.

Cafodd y ‘Rhwydwaith Newyddion Cymunedol Annibynnol’ ei lansio ym mis Rhagfyr y llynedd gan y Ganolfan Newyddiaduraeth Gymunedol ym Mhrifysgol Caerdydd.

Mae sawl cyhoeddiad o Gymru wedi ymuno â’r corff, fel Wrexham.com a myWelshpool.co.uk, yn ogystal â chyhoeddiadau eraill o bob cwr o wledydd Prydain.

Dyma yw’r corff cyntaf o’i fath yn y Deyrnas Unedig a’i fwriad yw cynnig dyfodol i newyddiaduraeth leol.

Beth yw ‘hyperlleol’?

Yng nghyd-destun newyddiaduraeth, hyperlleol yw’r term sy’n cael ei roi i wefannau newyddion sy’n canolbwyntio ar un ardal ddaearyddol.

Yn ôl y Ganolfan Newyddiaduraeth Gymunedol, maen nhw hefyd yn diffinio ‘hyperlleol’ fel cyhoeddiad lleol sy’n annibynnol ac yn canolbwyntio ar y gymuned.

“Mae newyddiaduraeth yn wynebu ansicrwydd heb ei debyg o’r blaen,” meddai Emma Meese, rheolwr y Ganolfan yng Nghaerdydd.

“Cafodd y Rhwydwaith Newyddion Cymunedol Annibynnol ei sefydlu i gryfhau’r sector hwn, sy’n tyfu’n gyflym, i ddadlau a lobïo ar ran cyhoeddwyr newyddion annibynnol ledled y wlad ac i ymladd dros well cyfleoedd i ni gyd.

“Ein nod yw creu mwy o swydd ar lefel hyperleol ac i hyrwyddo newyddion annibynnol, yn seiliedig ar gymunedau, sydd o ansawdd da ac o ddiddordeb i’r cyhoedd.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.