Hanes Hedd Wyn mewn ‘cyd-destun ehangach’

 


Ifor ap Glyn, Bardd Cenedlaethol Cymru Llun: Emyr Llewelyn Jones
Mae Bardd Cenedlaethol Cymru ar fin mynd â sioe am hanes Hedd Wyn i gynulleidfaoedd yng Nghymru ac Iwerddon.

Mi fydd sioe ‘Y Gadair Wag’ yn dechrau yn Nhrawsfynydd ymhen yr wythnos cyn teithio i Ddulyna Belffast ac i ganolfannau yng Nghymru hefyd.

“Mi’r oeddem ni’n awyddus i osod yr hanes mewn cyd-destun ehangach,” meddai Ifor ap Glyn wrth golwg360 gan esbonio fod y sioe yn ymgais i gyflwyno hanes Hedd Wyn yn ogystal â chyd-destun y cyfnod.

“Mae’n gyfuniad o ddarlith a pherfformiad mewn sioe un dyn  sy’n gwneud defnydd o fideos a thraciau sain,” meddai wedyn.

Beirdd

Mi fydd beirdd eraill yn ymuno yn y sioe drwy gyfrwng ffilm a sain, ac mae’r rhain yn cynnwys Myrddin ap Dafydd, Marged Tudur a Sian Northey.

“Mae’n troi o gwmpas barddoniaeth gan ddyfynnu o waith Hedd Wyn hefyd,” meddai.

Eglurodd y bydd dwy gerdd yn y Wyddeleg yn seiliedig ar waith y bardd o Iwerddon, Francis Ledwidge gafodd ei ladd ar yr un diwrnod â Hedd Wyn ym mrwydr Passchendaele ar Orffennaf 31, 1917.

“Yn y Saesneg roedd o’n sgwennu, ond un o’r themâu rydan ni’n trafod ydy dwyieithrwydd felly rydan ni’n cynnwys cyfieithiadau,” meddai Ifor ap Glyn.

Barddoniaeth colled

Mae’r sioe wedi’i chyfarwyddo gan Ian Rowlands, a’r artist Jason Lye sy’n gyfrifol am y deunydd gweledol a digidol.

“Mae yna gymaint o bethau wedi bod i gofio Hedd Wyn, ac ymgais hyn yw ei roi mewn cyd-destun ehangach hefyd,” meddai Ifor ap Glyn.

Mae’r sioe’n rhan o brosiect ‘Barddoniaeth Colled’ gan Lenyddiaeth Cymru a Rhaglen Canmlwyddiant y Rhyfel Byd Cyntaf – Cymru’n Cofio.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd