Ennill y Fedal am yr eildro “yr un mor arbennig”

Diweddarwyd  


Sonia Edwards
Mae ennill y Fedal Rhyddiaith am yr ail dro yn Ynys Môn yn brofiad sydd yr “un mor arbennig â’r tro cyntaf” yn ôl Sonia Edwards.

Wrth siarad â golwg360 dywedodd bod “gwres y gynulleidfa” i’w deimlo yn y seremoni wobrwyo wrth iddi ennill y wobr am ei chyfrol o rhyddiaith greadigol.

Mae’n debyg mai dim ond dwywaith y mae Sonia Edwards  wedi cystadlu am y wobr, a’r ddau dro yn Ynys Môn. Dywed mai ei sir enedigol oedd wedi ei hysgogi i gystadlu eto eleni.

Thema’r wobr eleni oedd ‘Cysgodion’, ac mi aeth Sonia Edwards i’r afael a’r thema trwy ymafael ag agweddau tywyll pobol. Rhannu Ambarél yw enw’r casgliad o straeon, ac enw un o’r straeon hefyd.

“Wnes i feddwl am gysgodion o safbwynt bywydau pobol,” meddai Sonia Edwards.

“Colled a galar, a hyd yn oed tor-priodas a serch a chariad yn eu gwahanol ffurfiau. Maen nhw’n gallu bod yn llawn cysgodion yn aml iawn.

“Mae’r ferch yn y stori gyntaf wedi colli ei chymar, ac mae’n meddwl am eu bywydau nhw gyda’i gilydd fel rhannu ymbarél. Achos mae’n gamp rhannu ambarél â rhywun a’i gael o’n iawn.

“Mae fel rhyw goreograffi bywyd os liciwch chi. Eich bod yn stepio yr un fath ac mewn sinc â’r person yna.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd