RSS

Golwg360

MwyCau 

Cyfrol i goffáu Pantycelyn yn ei gymharu ag Ann Griffiths

Gorffennaf 11, 2017 08:16


Clawr y gyfrol, Flame in the Mountains
Mae cyfrol newydd yn cael ei chyhoeddi’r haf hwn i goffáu dau o brif emynwyr Cymru – sef William Williams Pantycelyn ac Ann Griffiths.

A hithau’n 300 mlynedd ers geni Williams Pantycelyn mae beirniadaeth wedi bod am y diffyg dathliadau cyhoeddus i nodi’r garreg filltir.

Mae’r gyfrol Flame in the Mountains gan yr arbenigwr H. A. Hodges yn gyfrol Saesneg ei hiaith gan wasg y Lolfa ac wedi’i golygu gan yr Athro E Wyn James.

Mae’n dwyn ynghyd nodiadau ar emynau’r ddau ynghyd â thrafodaeth ar yr ‘Emyn Cymraeg’, ac mae’n cynnwys cyfieithiad o ddarlith Saunders Lewis yn 1965 ar waith Ann Griffiths.

Yn ôl gwasg Y Lolfa, bwriad y gyfrol yw gosod yr emynwyr “mewn cyd-destun Cymreig a rhyngwladol” gan roi cyflwyniad i waith y ddau a darparu “mewnwelediad gwerthfawr” i rai sy’n dymuno astudio eu gwaith ymhellach.

‘Awduron eithriadol’

“Mae’r emyn yn un o uchafbwyntiau mawr llenyddiaeth Gymraeg, ac mae’r ddau mwyaf eithriadol o’r holl emynwyr Cymraeg, William Williams (1717-1791) Pantycelyn ac Ann Griffiths (1776-1805), nid yn unig yn gewri o fywyd llenyddol, diwylliannol a chrefyddol Cymru, ond hefyd yn ffigurau o arwyddocâd a statws rhyngwladol,” meddai’r golygydd E Wyn James.

“Mae ysgrifen yr Athro Hodges yn gyfraniad pwysig i’n dealltwriaeth o’r awduron eithriadol hyn,” ychwanegodd.

Dysgodd H A Hodges (1905-1976) Gymraeg er mwyn astudio emynyddiaeth Gymraeg ag yntau’n Athro Athroniaeth ym Mhrifysgol Reading.

Dywedodd ei fod wedi darganfod “byd newydd” i’w hun wrth archwilio llenyddiaeth Gymraeg.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.