RSS

Golwg360

MwyCau 

Marw’r Prif Lenor Tony Bianchi

Gorffennaf 2, 2017 23:40 Diweddarwyd Gorffennaf 17, 2017 14:44


Bu farw’r Prif Lenor Tony Bianchi yn 65 oed.

Mae’n cael ei gofio fel ysgogwr a chefnogwr mwyn, yn ogystal â bardd a nofelydd crefftus.

Er mai yn North Shields yn Tyneside y cafodd ei fagu – roedd yn Geordie balch ac yn gefnogwr Newcastle United – fe ddaeth i’r brifysgol yn Llanbedr Pont Steffan i astudio a bwrw iddi i ddysgu Cymraeg. Ac yn ei ail iaith y cyhoeddodd y rhan fwyaf o’i lenyddiaeth.

Fe enillodd Pryfeta Wobr Goffa Daniel Owen ym mhrifwyl 2007; a daeth y Fedal Ryddiaith i’w ran yn Eisteddfod Genedlaethol Meifod yn 2015 am y gyfrol Dwy Farwolaeth Endaf Rowlands.

Cyhoeddodd nofelau eraill, ac un gyfrol o straeon byrion, Cyffesion Geordie Oddi Cartref. Fe gyrhaeddodd y nofel, Esgyrn Bach, restr hir Llyfr y Flwyddyn 2007.

Nid rhyddiaith a cherddoriaeth yn unig oedd yn mynd â’i fryd. Wedi iddo adael ei swydd yn bennaeth adran Llenyddiaeth, Cyngor Celfyddydau Cymru – lle bu’n gyfrifol am grantiau i gylchgronau a chyhoeddiadau Cymraeg – fe ymddiddorodd yn y gynghanedd.

Fe ddaeth ei englynion, yn arbennig, fel chwa o awyr iach i’r sîn farddol draddodiadol Gymraeg, ac fe gipiodd wobr yr Englyn yn yr Eisteddfod Genedlaethol ddwywaith yn olynol – yn 2002 a 2003.

Roedd Tony Bianchi yn byw ym Mhontcanna, Caerdydd gyda’i gymar, Ruth. Roedd yn dad i ddwy ferch, ac yn dad-cu balch.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.