Cyfarfod i drafod dyfodol cystadleuaeth Llyfr y Flwyddyn

Diweddarwyd am  


Mae Llenyddiaeth Cymru wedi cadarnhau y bydd cyfarfod yn cael ei gynnal ddydd Mercher, Ionawr 11, i benderfynu p’un ai fydd yna gystadleuaeth Llyfr y Flwyddyn eleni.

Mae peth ansicrwydd wedi bod ynghylch y wobr ers rhai wythnosau gyda Llenyddiaeth Cymru yn dweud wrth golwg360 ddiwedd Medi y byddai ganddynt “gyhoeddiad erbyn adeg y Nadolig” … “fel sy’n arferol”.

Er hyn, does dim gwybodaeth am y wobr wedi’i chyhoeddi, na manylion chwaith ar wefan asiantaeth Llenyddiaeth Cymru. Nid oes, fel sy’n arferol, gadarnhad o enwau’r tri beirniad iaith Gymraeg a thri beirniad Saesneg a fyddai wedi hen ddechrau ar eu gwaith yn darllen cyfrolau a gyhoeddwyd yn 2016.

Dywedodd llefarydd ar ran Llenyddiaeth Cymru y bydd y cyfarfod yfory yn trafod “camau nesaf” y wobr.

Y drefn yn ystod y blynyddoedd diwetha’ oedd gwobrwyo llyfrau ffeithiol, nofelau a chyfrolau barddoniaeth yn y Gymraeg a’r Saesneg, gyda’r enillwyr yn cael eu cyhoeddi ym mis Gorffennaf.

Fe fyddai’r wobr eleni yn ystyried llyfrau a gyhoeddwyd rhwng Ionawr a Rhagfyr 2016.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd