RSS

Golwg360

MwyCau 

CLIP SAIN: “Nid fel hyn y dylai pethau fod” meddai cyn-athro Gareth F

Medi 14, 2016 18:09 Diweddarwyd Medi 19, 2016 11:58


Mae cyn-athro Addysg Grefyddol y nofelydd, Gareth F Williams, yn Ysgol Eifionydd, Porthmadog, wedi bod yn cofio anwyldeb a hiwmor ei gyn-ddisgybl, wedi i’r newydd dorri am farwolaeth yr awdur yn 61 oed heddiw.

Hyd yn oed yn ei lythyr ola’ at William Owen, Borth-y-gest, roedd Gareth F Williams yn gwneud hwyl am ei ben ei hun am iddo “ymddangos ar lwyfan yr Eisteddfod Genedlaethol fel Charles Hawtrey o denau” – ac yntau’n un o feirniaid Gwobr Goffa Daniel Owen ar ddydd Mawrth y brifwyl yn Y Fenni.

Mae’r ysgrifwr, William Owen, hefyd yn cofio mynd ben-ben am wobr Llyfr y Flwyddyn gyda’i gyn-ddisgybl rai blynyddoedd yn ôl, a’r tynnu coes fu rhwng y ddau ohonyn nhw tros bwy allai ennill. Fel mae’n digwydd, meddai William Owen, “chafodd yr un o’r ddau ohonan ni smel arni y flwyddyn honno”.

Roedd Gareth F Williams a William Owen wedi rhyw led-gytuno i gyfarfod yng Nghaerdydd cyn y gaeaf hefyd… ond, meddai’r cyn-athro, “ar Fedi’r pedwerydd ar ddeg, a’r haf yn loetran… fe ddaeth y gaeaf” i’w gyn-ddisgybl. “Nid fel hyn mae hi i fod,” meddai wedyn, “hen gyn-athro yn talu teyrnged i gyn-ddisgybl… fel arall y dylai hi fod.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.