Pobol ifanc yn rhannu peryglon ysmygu ar gardiau newydd

Diweddarwyd am  


Mae ymgyrch newydd i dynnu sylw pobl ifanc at beryglon ysmygu yn cael ei lansio ar stondin Cyngor Gwynedd ar faes Eisteddfod yr Urdd heddiw.

Yr hyn sy’n wahanol am yr ymgyrch hon ydi fod y negeseuon a’r deunyddiau wedi cael eu llunio gan bobol ifanc eu hunain, gyda chymorth dylunydd proffesiynol.

Mae’r pecynnau yn cynnwys cardiau ffeithiau am dybaco, sy’n trafod pynciau fel peryg ysmygu yn y cartref, ysmygu tra’n feichiog, cost prynu sigaréts, ysmygu mewn ceir, a’r mythau sy’n cynnig fod ysmygu yn eich gwneud yn denau, neu nad ydi ysmygu tra’n feichog yn gwneud niwed i’r babi.

“Mae ystadegau’n dangos y bydd hanner y bobl sydd wedi ysmygu ar hyd eu hoes yn marw o ganlyniad i’w dibyniaeth, a’r ieuengaf yr ydach chi’n cychwyn ysmygu, y mwya’ tebygol ydach chi o farw o afiechyd sy’n gysylltiedig ag ysmygu,” meddai Sioned Williams, Pennaeth Economi a Chymuned, Cyngor Gwynedd.

Ar ôl yr Eisteddfod bydd y cardiau yn cael eu darparu o amgylch holl wasanaethau ieuenctid Cyngor Gwynedd, yn cynnwys y clybiau ieuenctid. Bydd gweithwyr yn y maes iechyd yn defnyddio’r cardiau fel rhan o’u gwaith ac yn sicrhau bod y neges yn cael ei rannu ymysg pobl ifanc Gwynedd.

Eisteddfodau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018