Anna yn gwneud Stwnsh – ac yn cyhoeddi llyfr

Diweddarwyd am  

Mae cogydd 14 oed yn cyhoeddi ei llyfr o ryseitiau ar faes Eisteddfod yr Urdd heddiw.
Anna Rees, enillydd y gyfres ''Cog1nio''

Anna Rees, o bentre’ Creigiau ger Caerdydd, oedd enillydd y gyfres goginio Coginio ar wasanaeth plant a phobol ifanc Stwnsh ar S4C.

Yn y gyfrol, Coginio, mae Anna yn rhannu pump o’i hoff ryseitiau, yn ogystal â ryseitiau gan gogyddion adnabyddus a beirniaid y gyfres – Elin Williams (o Bant a la Cart, Caerdydd), y cogydd Aled Williams (o fwyty Cennin, Biwmares) a chyflwynwriag y gyfres, Ellen Roberts.

“Dw i wrth fy modd yn arbrofi gyda bwyd,” meddai Anna Rees. “Efallai yr hoffwn i gael gyrfa fel cogydd pan fydda’ i’n hŷn.

“Mae hi wedi bod yn dipyn o sioc i ennill cystadleuaeth Coginio, ac mi fydd yn fraint gweld fy ryseitiau mewn print. Mae’n gyffrous meddwl fod pobol yn mynd i fod yn coginio fy ryseitiau i adref yn eu ceginau”

Ar gyfer cystadleuaeth Coginio, roedd gofyn i’r cystadleuwyr goginio eu ryseitiau eu hunain, yn ogystal ag ail-greu prydau gan gogyddion proffesiynol.

Eisteddfodau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018