Cadarnhau mai Maldwyn fydd cartref Eisteddfod yr Urdd 2022

Diweddarwyd am  

Bag Mistar Urdd

Llun: golwg360

Mae Urdd Gobaith Cymru wedi cadarnhau mai Maldwyn fydd cartref Eisteddfod yr Urdd yn 2022, sef blwyddyn dathlu canmlwyddiant y mudiad.

Daw’r cyhoeddiad yn dilyn cyfarfod cyhoeddus yn Neuadd Glantwymyn neithiwr (nos Fercher, Mehefin 19).

Yn ôl y mudiad, mae trafodaethau yn parhau ynglŷn â lleoli’r Maes yn nhref Machynlleth ar y tir sy’n ymestyn o’r Ganolfan Hamdden a’r Plas, draw hyd at Barc Menter TreOwain.

Mae disgwyl y bydd yr ŵyl yn dod â £6m i’r economi leol a denu tua 90,000 o ymwelwyr rhwng Mai 30 a Mehefin 4 2022.

Dyma fydd y tro cyntaf i Eisteddfod yr Urdd ymweld â Maldwyn ers 1988.

“Mesur y gefnogaeth”

Mae trefnwyr yr Eisteddfod eisoes wedi cynnal trafodaethau gyda Phwyllgor Rhanbarth Maldwyn a Chyngor Sir Powys, ac mae’r ddau’n gefnogol i’r syniad o wahodd yr ŵyl i Faldwyn.

Bwriad y cyfarfod yn Neuadd Glantwymyn oedd “mesur y gefnogaeth” yn lleol ac ymysg trigolion Rhanbarth Maldwyn.

“Bydd 2022 yn flwyddyn fawr i’r Urdd wrth i’r mudiad ddathlu canrif ers ei sefydlu gan Syr Ifan ab Owen Edwards yn 1922 ac mae’n wych medru cadarnhau y bydd Eisteddfod yr Urdd y flwyddyn honno yn dychwelyd i Faldwyn am y tro cyntaf ers 34 o flynyddoedd,” meddai Morys Gruffydd, Trefnydd yr Eisteddfod.

“Hoffwn ddiolch yn fawr i Gyngor Sir Powys, y Pwyllgor Rhanbarth a’r trigolion lleol am eu cefnogaeth barod i wahodd yr ŵyl i Faldwyn ac edrychwn ymlaen at gydweithio gyda chi yn y blynyddoedd nesaf.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018