Cyhoeddi enwau cystadleuwyr Ysgoloriaeth Bryn Terfel

Diweddarwyd  

Syr Bryn Terfel

Llun: Frankie Fouganthin, Comins Wikimedia, CC BY-SA 4.0

Cafodd y pump a fydd yn cystadlu am Ysgoloriaeth Urdd Gobaith Cymru Bryn Terfel eu cyhoeddi neithiwr (nos Sadwrn, Mehefin 1).

Cafodd y chwe chystadleuydd mwyaf addawol yn y categori oedran hŷn o dan 25 oed eu dewis ar ôl diwrnod o gystadlu yn y pafiliwn.

Y cystadlaethau sy’n gymwys yw’r Unawd Alaw Werin 19-25 oed, Unawd Cerdd Dant 19-25 oed, Unawd 19-25 oed, Unawd Offerynnol 19-25 oed, Llefaru Unigol 19-25 oed, Cyflwyniad Theatrig 19-25 oed, Unawd Allan o Sioe Gerdd 19-25 oed, Dawns Unigol i Fechgyn 14-25 oed a Dawns Unigol i Ferched 14-25 oed.

Y rhai a ddaeth i’r brig yw Rhydian Jenkins (Aelod Unigol Cylch Ogwr, Morgannwg Ganol), Cai Fôn Davies (Aelod JMJ, Eryri), Steffan Lloyd Owen (Aelod Unigol, Cylch Cefni, Ynys Môn), Daniel Jones (Ysgol Gyfun Plasmawr, Caerdydd a’r Fro), Thomas Mathias (Aelod Unigol Cylch Aberystwyth, Ceredigion),  a Morgan Llywelyn Jones (Aelwyd y Gwendraeth, Gorllewin Myrddin).

Cawson nhw eu dewis gan Jeremy Huw Williams, Ffion Dafis, Einir Wyn Jones, Cerian Mai Phillips a Glain Dafydd.

“Mae wedi bod yn brofiad ac yn broses bleserus gwylio’r fath dalent ond roedd y chwe pherfformiwr yma yn serennu a hynny yn y modd roeddent yn cyfathrebu â’u cynulleidfa ac oherwydd i ni gael ein cyffroi,” meddai’r panel.

Yr Ysgoloriaeth

Mae’r Ysgoloriaeth yn cael ei chynnal ar nos Wener, Hydref 11 yn Neuadd Goffa’r Barri.

Ei nod yw meithrin talent rhai o berfformwyr ifanc gorau Cymru.

Eleni, i nodi 20 mlynedd ers sefydlu’r ysgoloriaeth, mewn partneriaeth â Chelfyddydau Rhyngwladol Cymru a chefnogaeth Llywodraeth Cymru, mae’r Urdd yn cyhoeddi elfen ryngwladol newydd.

Ar gyfer Dydd Gŵyl Dewi 2020, bydd enillydd Ysgoloriaeth Bryn Terfel 2019 yn perfformio yn un o’r dathliadau byd-eang ar gyfer Dydd Gŵyl Dewi 2020.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018