Pobol Caerdydd yn “frwdfrydig iawn” tros sefydlu eisteddfod leol

Diweddarwyd am  

Llun: CC0

Mae grŵp sy’n bwriadu trefnu eisteddfod leol yng Nghaerdydd yn ystyried yr opsiwn o wneud y digwyddiad yn un “symudol”.

Daeth tuag ugain o bobol ynghyd neithiwr (dydd Llun, Medi 24) ar gyfer cyfarfod yn Ysgol Uwchradd Plasmawr er mwyn trafod y syniad o sefydlu eisteddfod yn y brifddinas.

Mae’r syniad yn deillio o lwyddiant y brifwyl ym Mae Caerdydd eleni, a’r nod yw cynnal yr eisteddfod gyntaf mewn lleoliad yn y brifddinas ddiwedd mis Ionawr 2020.

‘Eisteddfod i Gaerdydd gyfan’

“Rydan ni’n gobeithio y bydd hi mewn lleoliad eitha’ canolog,” meddai Glenys Llewelyn, a alwodd am y cyfarfod, wrth golwg360.

“Be ydan ni’n ymwybodol ohono ydy bod angen lle i barcio, bod angen gofod eithaf mawr.

“Ond mae yna lu o syniadau wedi cael eu taflu i mewn i’r pair. Rydan ni hefyd yn ystyried y syniad o symud [yr eisteddfod] i wahanol ardaloedd o’r brifddinas bob blwyddyn.

“Er enghraifft, ei chynnal hi mewn ysgolion uwchradd fel Ysgol Plasmawr un flwyddyn, Glantaf, Bro Edern ac efallai symud ymlaen i’r ysgolion di-Gymraeg yn nes ymlaen…

“Mae hefyd y syniad o gynnal yn Neuadd y Ddinas, neu hyd yn oed Neuadd Dewi Sant.”

“Llu o syniadau”

Ond cyn y bydd lleoliad yn cael ei bennu, meddai Glenys Llewelyn wedyn, bydd angen penderfynu ar fformat yr eisteddfod ac ystyried beth sy’n addas i Gaerdydd.

“Roedd yna griw bach da wedi troi i fyny [neithiwr] efo llwyth o syniadau,” meddai.

“Fe wnaethom ni drafod eisteddfod dridiau, eisteddfod gadeiriol, eisteddfod fach leol, eisteddfod ieuenctid ac eisteddfod gorau.

“Dydyn ni ddim yn gwybod beth fyd yr alw a beth fydd yr ymateb chwaith petai ni’n trefnu eisteddfod…”

Bydd cyfarfod pellach yn cael ei gynnal ar Hydref 23, gyda’r lleoliad eto i’w gadarnhau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018