Gydag wythnos yn unig i fynd tan agoriad swyddogol yr Eisteddfod Genedlaethol yng Nghaerdydd, mae ymdrech fawr ar waith i baratoi’r brifddinas gyfan ar gyfer y brifwyl.
Mae baneri’r Bae bellach i’w gweld ledled y ddinas, ac erbyn hyn mae arwyddion o groeso wedi’u gosod yn drwch yn ardal Pontcanna.
Yn yr honno o’r ddinas y bydd maes carafanau’r sioe, ac mae’r enwog Gaeau Pontcanna yn llawn ffensys a chyfarwyddiadau yn barod i dderbyn eisteddfodwyr.
Y bae
Er bod pethau’n dechrau prysuro yng ngweddill Caerdydd, mae tipyn o waith trawsnewid ar ôl i’w wneud yn y Bae.
Mae adeilad y Senedd gam yn agosach at droi’n Lle Celf – oriel gelf y brifwyl – ac mae darnau o waith mewn pecynnau i’w gweld yno.
Hefyd, mae’r gwaith o godi Tŷ Gwerin ar ei hanner gyferbyn â’r Eglwys Norwyaidd, ac mae tipyn yn rhagor o stondinau ar fin cael eu gosod o flaen Canolfan y Mileniwm.
