“Cymraeg amherffaith yn well na dim Cymraeg” meddai Llywydd

Diweddarwyd am  

“Mae’n well siarad Cymraeg amherffaith, na pheidio’i siarad o gwbwl,” meddai Llywydd y Dydd Eisteddfod yr Urdd Brycheiniog a Maesyfed.

Mae Steve Hughson yn Brif Weithredwr ar Gymdeithas Amaethyddol Frenhinol Cymru, ac yn ffigwr blaenllaw ym myd amaeth yng Nghymru.

Yn ogystal, mae e’n ddysgwr, sy’n anelu at feistroli’r iaith.

Ar faes y brifwyl ddydd Mawrth (Mai 29), mae Steve Hughson wedi apelio ar Gymry Cymraeg i oddef iaith amherffaith, er mwyn annog dysgwyr i ddal ati.

Cefnogi

“Mae’n bwysig jest cefnogi dysgwyr i fod yn onest,” meddai wrth golwg360.

“Wrth gwrs dyw fy Nghymraeg ddim yn bur ddim yn berffaith. Ond, mae’n well siarad Cymraeg amherffaith, na pheidio’i siarad o gwbwl.

“Felly mae’n bwysig cefnogi’r bobol sy’n trïo siarad Cymraeg, i godi’r nifer yng Nghymru sy’n ei siarad. Os na chewch chi siarad Cymraeg yn amherffaith, fydd yna ddim dyfodol i’r iaith.

“Wrth gwrs dw i eisiau siarad yr iaith yn berffaith [rhyw ddydd], ond er mwyn cael rhagor o hyder rhaid cael cefnogaeth pawb.”

Daw ei sylwadau ar ddiwrnod cyflwyno Medal y Dysgwr. Bydd yr enillydd yn cael ei gyhoeddi ar lwyfan y pafiliwn yn ddiweddarach heddiw.

Amaeth

Gan atseinio neges Llywydd y Dydd ddydd Llun, y naturiaethwr, Iolo Williams, mae Steve Hughson wedi galw ar y corff i roi rhagor o bwyslais ar faes penodol – y tro yma, amaeth.

“Mae ‘na gynulleidfa gwahanol [o gymharu â’r Sioe Frenhinol], ond mae llawer o bobol sy’n mynd i’r ddau,” meddai.

“Yr iaith Gymraeg, dw i’n credu yw iaith amaeth, ac iaith cefn gwlad. Ac mae’n bwysig i bob sefydliad – Yr Urdd a’r Clybiau Ffermwy Ifainc – yn gweithio gyda’i gilydd i godi proffil yr iaith Gymraeg.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018