Gwisg Werdd i Gwyn Griffiths, er cof

Diweddarwyd am  

Llun: www.gorsedd.cymru

Fydd yr hanesydd a’r newyddiadurwr, Gwyn Griffiths, ddim yn derbyn ei Wisg Werdd yn ystod wythnos gyntaf Awst eleni. Bu farw ddechrau’r wythnos hon.

Ond fe fydd ei gyfraniad i fyd cyfieithu llenyddiaeth Gymraeg i’r Llydaweg, ynghyd â’i waith mawr yn creu cysylltiadau rhwng Cymru a Llydaw, yn cael eu hanrhydeddu yn ystod y seremoni fore Gwener, Awst 10.

Cyfieithydd arall a fydd yn cael ei derbyn i’r Wisg Werdd fydd Marie-Thérèse Castay, am ei gwaith yn trosi gweithiau llenyddol Cymraeg i’r Ffrangeg.

Fe fydd yna wisg hefyd i Don Llewellyn am ei waith ym maes y cyfryngau, ac fel lladmerydd dros y Gymraeg yn ei gymuned a’r Wenhwyseg.

Dau academydd sy’n cael eu hanrhydeddu eleni yng Nghaerdydd yw Cynfael Lake o Adran y Gymraeg Prifysgol Abertawe; a Dylan Foster Evans, Pennaeth Ysgol y Gymraeg, Prifysgol Caerdydd.

Fe fydd gwisg hefyd i Robert Evans, arweinydd gweithgareddau Cymraeg yn Rhydychen. Cyn-Lywydd Cymdeithas Dafydd ap Gwilym a Chymrawd Emeritws yng Ngholeg Oriel.

Ac, am ei waith yntau yn hybu’r Gymraeg ymysg dysgwyr yng nghanolbarth Lloegr, fe fydd Jonathan Simcock yn dod yn aelod o’r Orsedd.

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd