Cyn-newyddiadurwr wedi’i gadeirio ym Mhenbedw

Diweddarwyd  


Y cyn-newyddiadurwr Martin Huws o Ffynnon Tâf sydd wedi ennill Cadair Gŵyl y Gadair Ddu ym Mhenbedw.

Cafodd y seremoni gadeirio ei chynnal yn Ysgol Joseph Paxton heddiw.

Cafodd y Gadair ei chomisiynu gan Gymeithasau Cymraeg Penbedw a Fflandrys, sy’n trefnu’r digwyddiad, ac mae hi wedi ei chreu o hen drawstiau rheilffordd yng Ngwlad Belg

Y testun ar gyfer yr Awdl oedd ‘Hedd Wyn’, ac roedd y seremoni yng ngofal yr Archdderwydd Geraint Llifon, neu Geraint Lloyd Owen.

Hanes y Gadair Ddu

Enillodd Hedd Wyn, enw barddol Ellis Humphrey Evans, gadair Eisteddfod Genedlaethol Cymru Penbedw 1917 am ei awdl ‘Yr Arwr’.

Ond ar ddydd Iau, 6 Medi 1917, cyhoeddodd T. Gwynn Jones i’r dorf ym Mhafiliwn yr Eisteddfod bod Hedd Wyn wedi cael ei ladd chwe wythnos ynghynt yn Ypres. Pan gyhoeddodd yr Archdderwydd ei fod wedi’i ladd yn y frwydr honno gorchuddiwyd y gadair â llen ddu.

Gwnaed y gadair gan ffoadur o’r enw Eugeen Vanfleteren o Wlad Belg.

Daethpwyd a’r gadair yn ôl i Drawsfynydd ar y trên ar 13 Medi, 1917 a chludwyd hi i’r Ysgwrn, cartref Hedd Wyn, ar gart a cheffyl.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd