RSS

Golwg360

MwyCau 

ORIEL: Parc Penbedw yn barod i gofio Hedd Wyn ym mis Medi

Gorffennaf 31, 2017 12:45 Diweddarwyd Awst 2, 2017 11:05


Mae’r parc yn Lloegr sydd wedi bod yn gartref i Eisteddfod Genedlaethol Cymru dair gwaith, wedi bod yn paratoi at benwythnos i gofio Hedd Wyn.

Mae Parc Penbedw wedi bod yn glanhau’r garreg arbennig sydd wedi’i gosod yno i nodi lle cynhaliwyd ‘Eisteddfod y Gadair Ddu’ ganrif yn ôl - y gadair a enillwyd gan Hedd Wyn, dan y ffugenw ‘Fleur de Lys’.

Roedd y dyn 30 oed o Drawsfynydd wedi marw ym mrwydr Cefn Pilkem ar Orffennaf 31 y flwyddyn honno.

A dyna pam y mae arysgrif ddwyieithog newydd wrth fôn y golofn sydd yno, yn darllen “Er cof am HEDD WYN, Bardd y Gadair Ddu, syrthiodd ar Pilkem Ridge 31-7-1917.

Penwythnos o gofio yn y Parc

I nodi canrif union ers y seremoni, fe fydd awdurdodau Cilgwri yn cynnal tridiau o ddigwyddiadau i gofio canrif ers i awdl ‘Yr Arwr’ gipio’r Gadair Ddu yn ystod penwythnos Medi 8-10 eleni.

Er na fydd Gorsedd y Beirdd yn cymryd rhan yn y digwyddiadau, mae disgwyl i’r Archdderwydd Geraint Llifon fod yn bresennol i gynrychioli’r beirdd.

Fe agorwyd Parc Penbedw ar Ebrill 5, 1847, ac mae’n cael ei ystyried y parc cyhoeddus cyntaf drwy’r byd i gyd i gael ei gynnal gan arian cyhoeddus. Parc Penbedw oedd cartref y brifwyl Gymraeg ddwywaith yn olynol yn 1878 ac 1879, ac yna ym Medi 1917.

Yn ystod y Rhyfel Byd Cyntaf, fe gafodd rhan o’r parc ei ddefnyddio i hyfforddi 3ydd Bataliwn y Cheshire Regiment. Fe fu recriwtiaid yn aros ym marics Penbedw ar Grange Road West.

Ac yno, at y Cheshire Regiment y bu gwrthwynebwyr cydwybodol y Rhyfel Mawr yn cael eu hanfon fel rhan o’u cosb, oherwydd bod y gatrawd yn cael ei hystyried yn un gorfforol a chaled.











Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.