RSS

Golwg360

MwyCau 

Cyngerdd agoriadol Eisteddfod Ryngwladol Llangollen

Gorffennaf 3, 2017 11:55


Eisteddfod Ryngwladol Llangollen Llun: Gwefan yr Eisteddfod
Mae Eisteddfod Gerddorol Ryngwladol Llangollen yn dathlu’r 70 eleni ac mae’r dathliadau’n cychwyn heno gyda’r Gyngerdd Agoriadol.

O dan arweinyddiaeth cyn-Gyfarwyddwr Cerdd yr Eisteddfod, Owain Arwel Hughes, bydd y gyngerdd yn ddathliad o bres a lleisiau yng nghwmni pedwar côr meibion, Band Pres byd enwog y Cory a’r unawdydd gwadd, Meinir Wyn Roberts.

Y pedwar côr – a fydd yn cyfuno i greu lleisiau o 200 – fydd Côr Meibion Rhos, Côr Meibion Canoldir a dau gôr a ymddangosodd yn yr Eisteddfod gyntaf un yn 1947: Côr Meibion Fron a Chôr Meibion Colne Valley.

Mae’r gyngerdd yn cael ei chynnal ym Mhafiliwn yr Eisteddfod gan gychwyn am 7:30yh nos Lun, 3 Gorffennaf.

Bydd S4C yn darlledu o’r Eisteddfod rhwng 3-9 Gorffennaf.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.