RSS

Golwg360

MwyCau 

Perfformiad coffau Hedd Wyn i agor Eisteddfod Môn

Chwefror 20, 2017 13:11 Diweddarwyd Chwefror 21, 2017 14:59


Bedd Hedd Wyn
Mi fydd hanes y bardd Hedd Wyn a Chymry eraill fu farw yn ystod y Rhyfel Byd Cyntaf  yn cael eu cofio ar lwyfan yr Eisteddfod Genedlaethol yn Ynys Môn eleni.

Bydd yr Eisteddfod Genedlaethol eleni yn agor gyda pherfformiad o dan yr enw ‘A Oes Heddwch?’ a fydd yn coffau’r Cymry fu farw ym Mrwydr Passchendaele.

Bu farw Hedd Wyn ar ddiwrnod cyntaf y frwydr lle bu farw tua 325,000 o ddynion o wleydd Prydain.

Mae’r cyfansoddwr sydd â chysylltiadau â Môn, Paul Mealor a’r bardd Grahame Davies wedi cydweithio ar gân ar gyfer y perfformiad ym mhafiliwn yr Eisteddfod.

Bydd y darn yn cael ei pherfformio gan Gôr yr Eisteddfod Genedlaethol a Cherddorfa Genedlaethol Gymreig y BBC ac mae disgwyl bydd enwau unawdwyr fydd hefyd yn perfformio ar y noson yn cael eu cyhoeddi dros yr wythnosau nesaf.

‘Braint fawr’

“Mae hanes Hedd Wyn yn rhan annatod o’n profiad fel Cymry, yn un o storïau mwyaf dirdynnol y Rhyfel Byd Cyntaf fel y cyfryw, ac yn symbol o golli cenhedlaeth o fechgyn ifanc,” meddai Grahame Davies.

“Braint fawr oedd ceisio canfod geiriau newydd i adlewyrchu’r profiad o golled ac i gydweithio eto gyda chyfansoddwr mor hynod dalentog â Paul Mealor.”

Coffau’r bardd

“Mae hanes Hedd Wyn yn adnabyddus i unrhyw un sydd wedi’i fagu yng Nghymru, ac mae’n anrhydedd mawr i gael bod yn rhan o’r gwaith hwn sy’n ei goffau drwy gerddoriaeth,” meddai Paul Mealor.

“Bwriad y gwaith hwn, gyda geiriau gwreiddiol a dirdynnol Grahame Davies, yw cynnig ambell funud o heddwch a myfyrdod ym mlwyddyn ei ganmlwyddiant, i goffau’r dyn, ei hanes a’i farddoniaeth.”

Mae Aled Hughes a Dafydd Hughes o’r band Cowbois Rhos Botwnnog ar y cyd â Guto Dafydd hefyd wedi cyfrannu deunydd fydd yn rhan o’r perfformiad.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.