Pafiliwn yr Eisteddfod Genedlaethol yn ennill gwobr

Diweddarwyd am  


Mae Pafiliwn newydd yr Eisteddfod Genedlaethol wedi ennill un o wobrau mawr y diwydiant gwyliau ledled gwledydd Prydain.

Fe dderbyniodd cwmni Neptunus, sy’n gyfrifol am yr adeilad, y wobr am y Strwythur Dros-Dro Gorau yng ngwobrau’r Festival Supplier Awards yn Llundain ar ddiwedd yr wythnos ddiwetha’.

Cafodd ei ganmol gan feirniaid y gwobrau am ei fod “yn darparu ateb arloesol i ddigwyddiad proffil-uchel, gan wella’r profiad ar gyfer pawb a chan godi safon y cynhyrchiad ar gyfer yr elfennau darlledu”.

“2016 oedd blwyddyn gyntaf y strwythur newydd, ac rydym ni a Neptunus yn hynod falch gyda’r ymateb gan ein hymwelwyr a gan y diwydiant gwyliau,” meddai Huw Aled Jones, Pennaeth Technegol yr Eisteddfod Genedlaethol.

“Yn ddi-os, roedd y profiad o fod yn y Pafiliwn newydd yn gwbwl wahanol i’r hyn a gafwyd yn y babell fawr binc, gyda’r ansawdd gymaint yn well ar gyfer perfformwyr ac artistiaid, cystadleuwyr a’r gynulleidfa.

“Roedd y strwythur newydd hefyd yn ein galluogi i fod yn fwy beiddgar ac arbrofol gyda goleuadau a sain, gan greu awyrgylch llawer mwy safonol a phroffesiynol ar brif lwyfan yr Eisteddfod.”

Bydd y Pafiliwn newydd yn dychwelyd i Faes yr Eisteddfod eleni, pan gynhelir y brifwyl ar gyrion pentre’ Bodedern wythnos gyntaf Awst.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd