Sir Benfro’n ennill Eisteddfod y Ffermwyr Ifanc

 


Côr CFfI Meirionnydd
Ffederasiwn Sir Benfro oedd enillwyr Eisteddfod Clybiau Ffermwyr Ifanc Cymru eleni, a hynny wedi iddyn nhw gipio’r mwyaf o bwyntiau yn y cystadlaethau llwyfan.

Aeth y wobr am y côr buddugol i Sir Feirionnydd eleni wrth iddyn nhw gloi diwrnod o gystadlu brwd yn Neuadd y Brangwyn, Abertawe.

Bu’n ddiwrnod prysur i Jessica Robinson o Sir Benfro wrth iddi gael ei henwi fel unawdydd gorau’r Eisteddfod, Sion Jenkins hefyd o sir Benfro am yr unigolyn gorau yn yr adran lefaru, a Dyfan Parry Jones o Sir Feirionnydd oedd unigol mwyaf addawol yn holl gystadlaethau’r Eisteddfod.

Torri cwys Fe dorrodd y mudiad gwys am y tro cyntaf eleni, a hynny wrth gynnal seremoni ddwbwl a chynnig cadair a choron i’r gerdd a’r rhyddiaith fuddugol.

A daeth galw o’r llwyfan ar i’r mudiad gyhoeddi’r gweithiau buddugol wedi i Iestyn Tyne o Eryri gael ei gadeirio a Naomi Nicholas o Sir Benfro gael ei choroni.

Yn ail a thrydydd yng nghystadleuaeth y côr oedd Sir Gâr ac Eryri, ac wrth gwt Sir Benfro yn y canlyniadau terfynol roedd Sir Gâr yn ail a Cheredigion yn drydydd. Gallwch ddod o hyd i ganlyniadau llawn yr Eisteddfod ar gyfrif Twitter @golwg360.

Eryri fydd yn rhoi cartre’ i Eisteddfod Cymru y flwyddyn nesaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd