Band fu’n rocio Glasto yn dod i Gaernarfon

Diweddarwyd  
Dave Palmtree and The Palmtree Trio fydd yn cloi Gŵyl Arall eleni

Dave Palmtree and The Palmtree Trio fydd yn cloi Gŵyl Arall eleni

Llun gan Daf Palfrey

Bydd band o Gaerdydd wnaeth rocio Glastonbury eleni, yn dod i Gaernarfon y penwythnos hwn.

Mae disgwyl i Buzzard Buzzard Buzzard berfformio yn Neuadd y Farchnad yfory (nos Sadwrn, Gorffennaf 13) yng nghwmni Kizzy Crawford, Kim Hon ac Eadyth.

Mae’r cyfan yn rhan o arlwy Gŵyl Arall, digwyddiad celfyddydol sy’n cael ei gynnal dros bedwar diwrnod mewn gwahanol leoliadau yn y dref.

Yn ôl y trefnwyr, mae’r ŵyl yn “mynd o nerth i nerth” bob blwyddyn, ac ar ei deuddegfed pen-blwydd mae amrywiaeth o ddigwyddiadau ar gael, gan gynnwys sgyrsiau llenyddol, cerddoriaeth a hyd yn oed yoga.

“Mae’r digwyddiadau yn newid o flwyddyn i flwyddyn,” meddai Rhian George, sy’n aelod o’r pwyllgor trefnu, wrth golwg360.

“Rydyn ni’n trio newid y bobol sy’n cymryd rhan yn flynyddol a chael digwyddiadau gwahanol.”

Gŵyl “ddwyieithog”

Fe gychwynnodd yr ŵyl neithiwr, ac fe fydd yn para dros y tridiau nesaf gyda digwyddiadau’n cael eu cynnal mewn lleoliadau fel siop lyfrau Palas Print, Neuadd y Farchnad, Clwb Canol Dre a Thŷ Glyndŵr.

Mae’n “ŵyl ddwyieithog”, yn ôl Rhain George, gyda chyfle i ymwelwyr brofi digwyddiadau yn y Gymraeg a’r Saesneg.

Mae disgwyl i tua 2,000 o bobol ymweld â Chaernarfon dros y penwythnos, a rhai o’r tu hwnt i Glawdd Offa yn eu plith.

“Mae gynnon ni bobol sy’n dod o Loegr yn flynyddol, ac mae’n bwysig sicrhau eu bod nhw hefyd yn gallu mwynhau’r ŵyl,” eglura Rhian George.

“Ac mae yna hefyd dwristiaid sy’n dod i Gaernarfon dros y penwythnos sydd ddim yn ymwybodol o Ŵyl Arall.

“Rydyn ni’n gallu eu cynnwys nhw yn y gweithgareddau hefyd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn