Tenor o Tsieina yn ennill gwobr werth £10,000

Diweddarwyd am  

Mingjie Lei

Llun: BBC

Tenor o Tsieina sydd wedi ennill Gwobr y Gân yng nghystadleuaeth Canwr y Byd BBC 2019.

Ar ôl perfformio o flaen panel arbennig o feirniaid yn Neuadd Dewi Sant, Caerdydd neithiwr (nos Iau, Mehefin 20), fe lwyddodd Mingijie Lei, 31, i ennill y wobr o £10,000.

“Dw i wrth fy modd fy mod wedi ennill Gwobr y Gân yng nghystadleuaeth BBC Canwr y Byd, Caerdydd,” meddai Mingijie Lei.

“Mae’n anrhydedd i ymuno gyda’r rhestr o enillwyr, a dw i mor ddiolchgar am gefnogaeth anhygoel y gynulleidfa.”

Yn ail yn y gystadleuaeth oedd y baswr Patrick Guetti, 31, o’r Unol Daleithiau, a’r bariton Andrei Kymach, 31, o’r Wcráin yn drydydd.

Yn bedwerydd oedd y soprano Sooyeon Lee, 30, o Dde Corea a’r mezzo-soprano Guadalupe Barrientos, 32, o’r Ariannin yn bumed.

Rownd derfynol werth £20,000

Fe fydd y pum canwr yn cystadlu am y Brif Wobr yn y rownd derfynol fory (dydd Sadwrn, Mehefin 22).

Gyda chyfeiliant y Gerddorfa Genedlaethol Gymreig o dan arweiniad Ariane Matiakh ac Ewa Strusińska, bydd yr enillydd yn ymgiprys am Dlws Caerdydd, teitl Canwr y Byd Caerdydd a gwobr gwerth £20,000.

Ar y panel o feirniaid bydd Cyfarwyddwr Artistig Opera Cenedlaethol Cymru, David Pountney; y canwr José Cura; Felicity Lott, Federica von Stade, a sylfaenydd Grange Park Opera Surrey, Wasfi Kani.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018