Ysgol Gerdd Ceredigion yw Côr Cymru 2019

Diweddarwyd am  
Ysgol Gerdd Ceredigion

Ysgol Gerdd Ceredigion

Llun: S4C / Rondo / Keith Morris

Ysgol Gerdd Ceredigion ddaeth i’r brig yng nghystadleuaeth Côr Cymru neithiwr (nos Sul, Ebrill 7), wrth i’r arweinydd Islwyn Evans gipio’r wobr am y chweched tro.

Bydd y côr nawr yn cael cynrychioli Cymru yng nghystadleuaeth Eurovision Choir yn Gothenburg ym mis Awst, ac maen nhw’n ennill tlws a gwobr ariannol o £5,000.

Curodd y côr Johns’ Boys o Rosllannerchrugog, CF1 o Gaerdydd, Côr Ieuenctid Môn a Chôr Sioe Ieuenctid Môn yn y rownd derfynol yn Neuadd Fawr Canolfan y Celfyddydau Aberystwyth, a gafodd ei darlledu’n fyw ar S4C (Rondo) yng nghwmni Heledd Cynwal a Morgan Jones.

Er mwyn cyrraedd y rownd derfynol, fe guron nhw Côr Aelwyd JMJ a Chôr y Cwm yng nghategori’r Corau Ieuenctid.

“Dw i wedi ennill o’r blaen, ond mae aelodau’r côr yn wahanol,” meddai Islwyn Evans wedi’r fuddugoliaeth.

“Mae’r criw wedi bod yn ffantastig ac mae gwefr ac awyrgylch y gystadleuaeth hon yn arbennig.”

Roedd gwobrau hefyd i Gôr Sioe Ieuenctid Môn (Dewis y Gwylwyr) a’u harweinydd Mari Pritchard (Gwobr yr Arweinydd).

‘Kudos’

“Mae wastad yn braf ennill unrhyw gystadleuaeth ond mae’r ffaith bod hon yn cael ei threfnu a’i darlledu gan S4C dros gyfnod o bum wythnos yn rhoi tipyn o kudos iddi yng nghalendr corawl Cymru,” meddai Islwyn Evans cyn y gystadleuaeth.

Mae’n dweud bod y gystadleuaeth wedi helpu’r côr i godi ei safonau dros y blynyddoedd.

“Yn ddi-os, ers ei sefydlu, mae’r gystadleuaeth hon wedi codi’n gêm ni fel arweinyddion yn ogystal â’r cantorion.”

Côr Cymru Cynradd

Nos Sadwrn, cipiodd Ysgol Gymraeg Teilo Sant yn Llandeilo dlws Côr Cymru Cynradd, gan guro Ysgol Gynradd Gymraeg Llwyncelyn o’r Porth, Ysgol Gymraeg Llangennech ac Ysgol Pen Barras o Ruthun.

“Mae’n anrhydedd fawr i dderbyn y tlws,” meddai’r arweinydd Nia Clwyd.

“Hoffwn ddiolch i’r plant a’u rhieni am eu holl waith called, gwaith y plant sy’n gyfrifol am y llwyddiant.”

Y beirniaid ar gyfer y ddwy gystadleuaeth oedd Anna Wilczewska, Huw Humphreys a Karmina Šilec.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn