Beth yw’r gyfrinach i greu’r gân Nadolig berffaith?

 
Do They Know It's Christmas

Diffoddwyr tân wedi ail-greu clasur Nadolig

Llun: Flickr

Fe allai ymchwil sydd newydd ei gyhoeddi awgrymu pa mor debygol yw criw o ddiffoddwyr tân o’r Trallwng o gyrraedd rhif un yn y siartiau Nadolig eleni.

Maen nhw ymhlith criw o weithwyr y gwasanaeth tân ym mhob rhan o wledydd Prydain sydd wedi dod ynghyd i ail-greu’r gân ‘Do They Know It’s Christmas?’.

Chris Birdsell-Jones o’r dref gafodd y syniad dros flwyddyn yn ôl o ail-greu’r gân a’i recordio.

Ar ddechrau’r mis, roedden nhw ymhlith y rhai oedd yn cael eu crybwll fel caneuon a allai gyrraedd y brig.

Mae arbenigwyr yn y label recordiau Ostereo wedi bwrw golwg ar y caneuon sydd wedi cyrraedd brig y siartiau bob Nadolig dros yr hanner canrif diwethaf er mwyn darganfod nodweddion cyffredin.

Ac maen nhw’n dweud mai ‘Always On My Mind’ gan y Pet Shop Boys yw’r gân sydd fwyaf nodweddiadol o’r Nadolig.

Beth yw’r gyfrinach?

Yn ôl yr ymchwilwyr, mae angen i’r gân Nadolig berffaith bara tair munud a 57 eiliad a bod yn y cywair G mwyaf.

Mae hefyd angen iddi fod â 114 o guriadau y funud, a chael ei pherfformio gan unawdydd 27 oed.

Baledi yw’r mwyafrif o ganeuon Nadolig sydd wedi cyrraedd y brig.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018