Manw – y rocar a’r eisteddfodwraig efo gwên

Diweddarwyd  

Manw

Llun: S4C ar YouTube

Ar ôl rhoi gwên ar wynebau’r beirniaid gyda’i chân gyntaf, ‘Colors of the Wind’ roedd hi’n amser i Manw o Fangor rocio gyda un o ganeuon mwyaf Elin Fflur, ‘Ysbryd Efnisien’, yn ystod ei pherfformiad o flaen gynulleidfa fyw yn Abertawe.

A do, fe lwyddodd y ferch 13 oed o Fangor i wneud hynny.

Ond beth arall fyddech chi’n ddisgwyl gan gantores sydd wedi hen arfer â chamu ar lwyfan ers ei bod yn bedair oed – yn ogystal â rhoi cyngherddau i Mam a Dad yn yr ystafell fyw “gyda meicroffon a bob dim”.

Dw hefyd yn gallu sgïo’n dda iaw,n ac wedi sgïo ers yn blentyn bach,” meddai Manw a fyddai wrth ei bodd yn perfformio deuawd gyda Sia neu gydag Arianna Grande, petai hi’n cael y cyfle.

“Mae Junior Eurovision wedi bod yn brofiad hollol wahanol i mi,” meddai wedyn.

“Fel arfer dw i’n cystadlu mewn eisteddfodau, canu’n glasurol neu sioeau cerdd, ond dw i’n dwlu ar Tara, mae hi’n fentor gwych ac mor ddoniol hefyd.

“Byddai’n brofiad bythgofiadwy i mi ennill y gystadleuaeth yma, ac mi faswn i mor falch i chwifio baner Cymru yn Minsk. Ond mae yna gymaint o dalent yma, dw i ddim yn gwybod sut bydd y cyhoedd yn dewis enillydd!”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018