Lansio apêl genedlaethol yn enw Meredydd Evans

 

Meredydd Evans

Llun: Coleg Cymraeg Cenedlaethol

Bydd apêl newydd am arian er cof am Meredydd Evans yn cael ei lansio ar Faes yr Eisteddfod Genedlaethol yng Nghaerdydd heddiw (dydd Mercher, Awst 8).

Ymddiriedolaeth William Salesbury fydd yn lansio’r apêl, a hynny er mwyn dynodi canmlwyddiant geni Dr Meredydd Evans, un o sylfaenwyr yr ymddiriedolaeth, yn 2019.

Y nod yw casglu o leia’ £10,000 y flwyddyn am y pum mlynedd nesaf, a hynny er mwyn galluogi pobol Cymru i gefnogi’r Coleg Cymraeg Cenedlaethol.

Bydd yr arian yn cael ei ddefnyddio i gynnig ysgoloriaethau i fyfyrwyr sydd am ddilyn eu cwrs yn gyfan gwbl trwy gyfrwng y Gymraeg, gyda’r nod hefyd o ehangu nifer y cyrsiau sydd ar gael yn Gymraeg.

Ers sefydlu’r ymddiriedolaeth yn 2012, mae chwech myfyriwr wedi derbyn cymorth gan y Gronfa ar ffurf ysgoloriaethau gwerth £5,000 dros gyfnod o dair blynedd.

“Dyn unigryw”

“Roedd Mered, i ni ei gyd-Gymry, yn ddyn unigryw,” meddai Ann Beynon, ar ran ei chyd-ymddiriedolwyr.

“Parhad a ffyniant iaith a diwylliant Cymru oedd ei brif genhadaeth, gan sefydlu Ymddiriedolaeth Wiliam Salesbury yn 2012.

“Nid oedd llaesu dwylo yn perthyn i Merêd a dyma ein cyfle ni nawr i gerdded yn ôl ei droed, dathlu ei rodd a pharhau â’i waith.

“Ond er mwyn gwneud hynny, rhaid chwyddo’r coffrau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd