Nifer cystadleuwyr Llangollen i fyny 15% – er gwaetha’ Brexit

Diweddarwyd  

Cystadleuwyr lliwgar ar lwyfan Eisteddfod Ryngwladol Llangollen

Llun: Eisteddfod Llangollen

Mae cadeirydd Eisteddfod Gerddorol Ryngwladol Llangollen yn dweud bod yna gynnydd wedi bod yn nifer y cystadleuwyr eleni, a hynny er gwaetha’ Brexit.

Mae’r ŵyl ryngwladol flynyddol yn nhre’ Llangollen wedi cychwyn heddiw (dydd Mawrth, Gorffennaf 3), a thrwy gydol yr wythnos mi fydd yn llwyfan i dros fil o gystadleuwyr o wledydd ledled y byd.

Yn ôl Dr Rhys Davies, cadeirydd ar yr ŵyl, mae “tua 15%” yn fwy o gystadleuwyr eleni, gyda chystadleuaeth y corau meibion yn enwedig yn profi’n boblogaidd.

Ond er bod hyn yn dangos nad yw Brexit wedi effeithio ar yr ŵyl, meddai, mae’n dweud nad yw’n “gwybod yr ateb” ynglŷn â beth fydd y sefyllfa y flwyddyn nesa’.

“Cyn i ni gael yr European Community yn y 1970au, roedd lot o bobol yn dod yma o Ewrop, felly dw i’n gobeithio y bydd popeth yn oreit ar ôl Brexit, a bydd pobol yn gallu dod o Ewrop,” meddai wrth golwg360.

Problem y visa

Mae Dr Rhys Davies yn dweud ymhellach mai’r broblem fwya’ sy’n wynebu cystadleuwyr ar hyn o bryd yw sicrhau visa i deithio, gyda’r broblem honno yn effeithio ar grwpiau yn fwy nag unigolion.

“Y broblem rydym ni wedi’i gael, ac mae’n parhau, yw problem efo pobol o’r India a’r Affrica,” meddai wedyn.

“Mae visa application jyst am un person, felly mae grwpiau, yn enwedig y dawnswyr, yn cael problem i ddod, gyda rhai ohonyn nhw ddim yn gael cael visas.”

Ond mae cadeirydd yr Eisteddfod yn ychwanegu na ddylai’r broblem ddifetha’r ŵyl, a bod angen ceisio annog cymunedau ethnig o wledydd Prydain i ddod i Langollen.

“Mae lot o’r bobol sy’n dod o overseas yn byw yn yr UK rŵan, felly rydan ni eisiau denu grwpiau o Lundain, o Gaerdydd, y Portugees, y Poles a’r Somalis.

“Mae lot o bobol yn byw yn y Deyrnas Unedig, a does dim rhaid iddyn nhw gael visas, wrth gwrs.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn