Eurovision: “Dylai Cymru gael cystadlu ar wahân”

Diweddarwyd am  

Mick Antoniw

Llun: Cynulliad Cenedlaethol Cymru CC 2.0

Mae Aelod Cynulliad Pontypridd, Mick Antoniw wedi awgrymu y dylai Cymru gael cystadlu fel gwlad unigol yng nghystadleuaeth ganu Eurovision.

Gorffennodd cystadleuydd Prydain, SuRie yn 24ain yn y gystadleuaeth yn Lisbon, Portiwgal neithiwr, a hynny ar ôl i aelod o’r gynulleidfa lwyddo i gyrraedd y llwyfan yn ystod ei pherfformiad.

Ond yn sgil Brexit, mae cwestiynau wedi codi am ddyfodol Prydain yn y gystadleuaeth.

Roedd Mick Antoniw yn siarad ar raglen Sunday Supplement BBC Radio Wales pan awgrymodd ei bod yn “nonsens” awgrymu na ddylai Prydain gael parhau yn y gystadleuaeth.

Ond wrth geisio dychmygu’r dyfodol pe bai hynny’n digwydd, dywedodd y gallai Cymru, Lloegr a’r Alban gystadlu fel gwledydd unigol.

“Yr hyn sy’n gwestiwn diddorol yw y dylai Cymru, Lloegr a’r Alban, yn sgil Brexit, ddod yn aelodau ar wahân o’r Eurovision Song Contest ac y dylen ni gael cystadleuydd o Gymru ynddi.

“Mae gan Gymru dipyn i’w gynnig yn ddiwylliannol a dw i’n credu y byddai’n wych gweld Cymru ar y llwyfan hwnnw.”

‘Balchder’

Ychwanegodd Mick Antoniw ei fod yn “fater o falchder” fod Cymru’n cael ei gweld ar lwyfannau rhyngwladol.

“Does dim sicrwydd fod pob ymgais yn arbennig o dda nac yn mynd i gael cryn dipyn o gefnogaeth. Ond dw i’n credu ei fod yn fater o falchder fod gan wledydd gyfle i gyflwyno’u hunain yn ddiwylliannol ar y llwyfan Ewropeaidd.

“Dw i’n credu bod Eurovision yn gyfle gwych i wneud hynny.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018