S4C yn chwilio am rywun i gynrychioli Cymru yn yr Eurovision Ifanc

Diweddarwyd am  

Cyflwynydd a beirniaid Eurovision Ifanc 2018

Llun: S4C

Eleni, fe fydd Cymru’n cael cystadlu ar ei phen ei hun yn yr Eurovision Ifanc am y tro cyntaf erioed.

Daw’r cyhoeddiad ar drothwy’r brif gystadleuaeth sy’n cael ei chynnal yn Lisbon, Portiwgal ddydd Sadwrn (Mai 13), ac wrth i S4C chwilio am rywun i gynrychioli Cymru.

Fe fydd y gystadleuaeth ieuenctid yn gyfle i Gymro neu Gymraes naw i 14 oed deithio i Minsk yn Belarws i gystadlu o flaen miliynau o bobol o bob cwr o Ewrop a thu hwnt yn ddiweddarach eleni.

Y broses

Bydd clyweliadau’n cael eu cynnal ym mis Mehefin, a’r gystadleuaeth yn cael ei darlledu’n fyw ar S4C ar Dachwedd 25. Cyn y gystadleuaeth, fe fydd cyfres o dair rhaglen yn dangos y daith i ddod o hyd i gynrychiolydd i Gymru.

Y dyddiad cau ar gyfer derbyn ceisiadau yw nos Sul, Mehefin 3, am 10 o’r gloch.

Trystan Ellis-Morris fydd yn cyflwyno’r gyfres, wrth i dri mentor – Connie Fisher, Tara Bethan a Stifyn Parri – helpu’r cantorion ifainc i baratoi ar gyfer y gystadleuaeth. Byddan nhw’n perfformio yn Gymraeg, ond does dim rhaid iddyn nhw fod yn rhugl yn yr iaith.

Gall cystadleuwyr berfformio ar eu pennau eu hunain neu fel rhan o grŵp o hyd at chwech o bobol.

 

Cerddoriaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018