“Storm mewn cwpan de” ydi ffrae côr meibion, meddai Prif Gwnstabl

Diweddarwyd am  

Côr Meibion Heddlu Swydd Derby yn 2014, cyn newid ei enw

Llun oddi ar wefan Heddlu Swydd Derby

Mae Prif Gwnstabl o Loegr sydd wedi galw ar gôr meibion ei lu i dderbyn menywod i ganu, wedi ymateb i feirniadaeth trwy fynnu mai “storm mewn cwpan de” ydi’r mater.

Ar ôl dod i’w swydd y llynedd, fe alwodd Peter Goodman ar Gôr Meibion Heddlu Swydd Derby i droi’n gôr cymysg, gan fygwth diddymu eu cysylltiad â’r llu pe na baen nhw’n croesawu merched atyn nhw i ganu.

Ond yn hytrach na newid, mae’r côr wedi newid ei enw i ‘Gôr Meibion Cymuned Derbyshire’ yn hytrach na derbyn merched, gan ddadlau y byddai newid y côr wedi cymryd blynyddoedd.

Ond mae’r mater yn bwnc llosg o hyd yn Swydd Derby, a dyna pam y mae’r Prif Gwnstabl Peter Goodman wedi troi at Facebook Live i ateb cwestiynau gan y cyhoedd, ac i leisio ei farn ef ar y mater.

“Hen ddynion gwyn”

“Does gen i ddim problem â chorau meibion,” meddai. “Dw i’n deall yn iawn eu bod yn wahanol i gorau cymysg.

“Ond dw i eisiau iddyn nhw edrych a theimlo fel y llu yr ydan ni’n anelu i fod. Ac i fod yn gwbwl onest, dydi grŵp o hen ddynion gwyn yn canu… ddim yn adlewyrchu’r ddelwedd dw i am ei chyflwyno i’r byd.”

Does dim un swyddog na chyn-swyddog o’r llu yn aelod o’r côr, yn ôl y Prif Gwnstabl, a’i ddadl ef yw bod y cysylltiad rhwng y llu a’r côr yn “denau iawn” bellach.

Y “cysylltiad go iawn” rhwng y ddau, meddai, yw bod y côr yn ymarfer yn un o orsafoedd yr heddlu, a bod ei aelodau yn gwisgo gwisg yr heddlu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018