Cymro Cymraeg yn rhoi’r gorau i olygu cylchgrawn NME

Diweddarwyd am  
Llun: gwefan www.nme.com

Mike Williams

Mae Cymro Cymraeg sy’n olygydd ar un o brif gylchgronau cerddorol gwledydd Prydain wedi cyhoeddi ei fod yn camu o’r neilltu.

Mae Mike Williams, sy’n wreiddiol o Wrecsam, wedi bod yn olygydd ar y cylchgrawn, New Musical Express (NME), ers 2012, a hynny wedi iddo ymuno â’r cwmni am y tro cyntaf yn 2010.

Ond mae’r cyn-fyfyriwr Astudiaethau Ffilm a Theledu yn Aberystwyth wedi penderfynu rhoi’r gorau i’w swydd ar ôl i gyhoeddwyr y cylchgrawn, sef Time Inc UK, gael eu gwerthu i gwmni arall ar gost o tua £130m.

“Y swydd orau yn y byd”

“Dw i wedi gwneud y penderfyniad mwyaf anodd y byddai byth yn ei gymryd trwy ymddiswyddo o’r swydd orau yn y byd,” meddai Mike Williams mewn neges ar wefan gymdeithasol Twitter.

“Mae wedi bod yn amser gwych gweithio gyda phobol mor arbennig. Dw i’n hynod falch o’r pethau gwych rydym ni wedi’u gwneud a’u cyflawni. NME am byth.”

Mike Williams oedd wrth y llyw pan gafodd NME ei ail-lansio yn 2015 yn gylchgrawn wythnosol am ddim.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd