Shirley Bassey am ganu mewn cyngerdd i gofio Bruce Forsyth

 

Shirley Bassey

Llun: Daniel Kruczynski CC SA 2.0 trwy Commons Wicimedia

Fe fydd cantores o Gymru ymhlith y rhai a fydd yn perfformio mewn cyngerdd arbennig i gofio am y diweddar ddiddanwr, Bruce Forsyth.

Shirley Bassey, sy’n wreiddiol o Gaerdydd, yw’r cyntaf i gadarnhau y bydd hi’n cymryd rhan mewn cyngerdd yn y London Palladium ddiwedd y mis er mwyn dathlu bywyd y dawnsiwr, canwr a’r diddanwr a fu farw fis Awst y llynedd yn 89 oed.

Mae’r gyngerdd yn cael ei threfnu gan y BBC, ac fe fydd yn cynnwys amrywiaeth o berfformiadau gan westeion enwog a oedd yn adnabod Bruce Forsyth.

“Wastad yn rhoi gwên”

“Fe gafodd Sir Bruce Forsyth ei eni’n ddiddanwr – yn ganwr, dawnsiwr ac actor talentog – a oedd wastad yn rhoi gwên ar wynebau pobol,” meddai Shirley Bassey.

“Fe fydd yn fraint cael canu un o’i hoff ganeuon er cof amdano.”

Bydd y gyngerdd yn cael ei chynnal ar Chwefror 21 – y diwrnod y byddai Bruce Forsyth wedi dathlu ei ben-blwydd yn 90 oed – ac fe fydd y sioe’n cael ei darlledu ar BBC One yn ddiweddarach eleni.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018